ކުޅުންތެރިންގެ ފަރާތުން ރޭގެ މެޗުގައި ވަރުބަލިކަން ފެނުނު: ކޯޗު
ރެއާލް މެޑްރިޑުގެ ކޯޗު ކާލޯ އަންޗެލޮޓީ
އަނިޔާގެ މައްސަލަ ޓީމުގައި އުޅުނު ނަމަވެސް ޖެނުއަރީ ޓްރާންސްފާ މުއްދަތުގައި ރެއާލް މެޑްރިޑަށް އިތުރު ކުޅުންތެރިން ގެނައުމުގެ ވިސްނުމެއް ނެތް ކަމަށް އެ ކުލަބުން ބުނެފި އެވެ.
ކޯޗު ކާލޯ އެންޗެލޯޓީ މިހެން ބުނީ ސްޕެނިޝް ލީގުގައި ރެއާލް މަޔޯ އަތުން މޮޅުވި މެޗަށް ފަހު އަމާޒުވި ސުވާލުތަކަށް ޖަވާބުދެމުންނެވެ.
އޭނާ ބުނީ ކުރިއަށް އޮތީ ސީޒަނުގެ ބިޒީ ދުވަސްކޮޅެއް ކަމަށާއި ނަމަވެސް ޓީމު ތާވަތުގެ އެއްވަނާގައި އޮތުމަކީ ލިބޭ ވަރަށް ބޮޑު ހިތްހަމަޖެހުމެއް ކަމަށެވެ.
އެންޗެލޯޓީ ބުނީ ރެއާލް މަޔޯކާ އަތުން 1-0އިން ރެއާލް މެޑްރިޑް މޮޅުވި ނަމަވެސް އަސްލު ފެންވަރުގައި ކުޅެވިފައިނުވާ ކަމަށެވެ.
މި މޮޅާއެކު ރެއާލް އޮތީ 48 ޕޮއިންޓާއެކު ގޯލުގެ ތަފާތުން ޓޭބަލުގެ އެއްވަނާގަ އެވެ. ދެ ވަނާގައިވަނީ 48 ޕޮއިންޓާއެކު ޖިނޯރާ އެވެ.
އޭނާ ބުނީ ދިގު ސީޒަނެއްގައި ހުރިހާ މެޗެއް އެއް ފެންވަރެއްގައި ނުކުޅެވޭނެ ކަމަށާއި ރޭގެ މެޗުގައި ކުޅުންތެރިންގެ ފަރާތުން ވަރުބަލިކަން ފެނިގެންދިޔަ ކަމަށެވެ.
