މަސީގެ ފުރަތަމަ ބިލްޑަރ އެވޯޑްސް 6 ފަރާތަކަށް ދީފި
ކޮންޓްރެކްޓަރ އޮފް ދި އިޔަރ އެވޯޑް ހާސިލްކުރީ އެލިއާ ކޮންސްޓްރަކްޝަން އަދި އަމީން ކޮންސްޓްރަކްޝަން
ކޮންސްޓްރަކްޝަން އިންޑަސްޓްރީ އެވޯޑް ދެއްވުމުގެ ޙަފްލާގެ ތެރެއިން
މޯލްޑިވްސް ނޭޝަނަލް އެސޯސިއޭޝަން އޮފް ކޮންސްޓްރަކްޝަން އިންޑަސްޓްރީ، މަސީގެ ފުރަތަމަ ބިލްޑަރ އެވޯޑްސް 6 ފަރާތަކަށް ދީފިއެވެ.
އާދިއްތަ ދުވަހުގެ ރޭ ބޭއްވި އެ އެވޯޑު ހަފްލާގައި ލައިފްޓައިމް އެޗީވްމަންޓް އެވޯޑް 2 ބޭފުޅަކަށް ވަނީ ދީފައެވެ. އެއީ އަމީން ގްރޫޕް އޮފް ކޮންޕެނީސްގެ ޗެއަރމަން ޢަބްދުﷲ މުޙައްމަދާއި، ހޮޓެލްސް އެންޑް ރިސޯޓްސް އިންވެސްޓްމަންޓް މޯލްޑިވްސްގެ ޗެއަރމަން އަދި މަސީގެ ރައީސް މުޙައްމަދު އަލީ ޖަނާހްއެވެ.
މީގެ އިތުރުން ކޮންޓްރެކްޓަރ އޮފް ދި އިޔަރ އެވޯޑް ހާސިލްކުރީ އެލިއާ ކޮންސްޓްރަކްޝަން އަދި އަމީން ކޮންސްޓްރަކްޝަން އިންނެވެ.
މީގެ އިތުރުން ސިމެންޓް ސަޕްލަޔަރ އޮފް ދި އިޔަރ ހާސިލްކުރީ ވިލާ ހަކަތައިންނެވެ. އަދި ޕްރޮޖެކްޓް ޑެލިވަރީ އެވޯޑް އޮފް ދި އިޔަރ ހާސިލްކޮށްފައި ވަނީ ބައިސަން މޯލްޑިވްސްއިންނެވެ.
