އުނގޫފާރު ހޮސްޕިޓަލުގައި މާބަނޑު މީހަކަށް އިހުމާލުވި ކަމަށް ތުހުމަތުކުރާ މައްސަލައެއް ހެލްތް މިނިސްޓްރީން ބަލަން ފަށައިފި
24 ޑިސެމްބަރު 2023 | އާދީއްތަ 01:10މި މައްސަލައިގައި ބަލި މިހާ އާއި މެދު އިހުމާލުވެފައިވާ ކަމަށް ތުހުމަތުކުރާތީ ހެލްތް މިނިސްޓްރީން ވަނީ އެ މައްސަލަ ބަލަން ފަށާފަ
އުނގޫފާރު ހޮސްޕިޓަލް
ރ.އުނގޫފާރު ހޮސްޕިޓަލުގައި މާބަނޑު އަންހެނަކަށް އިހުމާލުވި ކަމަށް ތުހުމަތުކުރާ މައްސަލައެއް ހެލްތް މިނިސްޓްރީން ބަލަން ފަށައިފިއެވެ.
ރ.އުނގޫފާރު ހޮސްޕިޓަލުން އިހުމާލުވިކަމަށް ތުހުމަތުކުރަމުންދަނީ ރ.ވާދޫ އަށް ނިސްބަތްވާ މާބަނޑުއަންހެނަކަށާއި އޭނާގެ ބަނޑުގައި އޮތް ދަރިފުޅަށެވެ. އޭނާގެ އާއިލާގެ ފަރާތުން ވަނީ އޭނާ އަށް އެކަށީގެންވާ ބޭސްފަރުވާ ފޯރުކޮށްދިނުމުގައި އެ ހޮސްޕިޓަލުގެ އިހުމާލު އޮތް ކަމަށް ތުހުމަތުކޮށްފައެވެ.
މާބަނޑު އަންހެންމީހާ މިހާދިސާގެ ތެރޭގައި މަރުވެފައިވާއިރު، އަންހެން މީހާގެ އާއިލާ އިން ވަނީ އޭނާގެ ދަރިފުޅުވެސް ނިޔާވީ އުނގޫފާރު ހޮސްޕިޓަލުގެ އިހުމާލުން ކަމަށް ތުހުމަތުކޮށްފައެވެ. އެ ހާދިސާ ހިނގާފައި ވަނީ މިދިޔަ ސެޕްޓެމްބަރުމަހުގެ ތެރޭގައެވެ. އަދި ކުއްޖާ މަރުވި ފަހުން އަންހެން މީހާގެ ހާލު ދެރަވުމާއި ގުޅިގެން އޭނާ ވެންޓިލޭޓަރަށް ލުމަށް ފަހު އޭނާ ވަނީ މާލެ ގެނެސްފައެވެ. އަދި އޭނާ އަށް މާލޭގައި ވަނީ އިތުރު ފަރުވާދީފައެވެ.
މި މައްސަލައިގައި ބަލި މިހާ އާއި މެދު އިހުމާލުވެފައިވާ ކަމަށް ތުހުމަތުކުރާތީ ހެލްތް މިނިސްޓްރީން ވަނީ އެ މައްސަލަ ބަލަން ފަށާފައެވެ.
އެ އަންހެން މީހާގެ ދަރިފުޅު މަރުވީ މިދިޔަ ސެޕްޓެމްބަރު މަހުގެ ތެރޭގައެވެ. އަދި އިތުރު ފަރުވާދެމުން ދަނިކޮށް އެ އަންހެން މީހާ މަރުވެފައި ވަނީ މިދިޔަ ހަފްތާގެ ތެރޭގައެވެ.
