މޮޅާއެކު އަލް އަހްލީ ސައޫދީ ތިންވަނައިގަައި

ސައުދީ ޕްރޯ ލީގުގައި އަލް ހަޒްމާ ދެކޮޅަށް ކުޅުނު މެޗުން މޮޅުވެ، އަލް އަހްލީ ސައުދީން ލީގު ތާވަލްގެ ތިން ވަަނައިގައި ދެމިއޮވެއްޖެއެވެ.

ލީގުގައި ހުކުރު ދުވަހުގެ ރޭ ކުޅުނު މެޗު އެ ޓީމުން ކާމިޔާބުކުރީ 4-0ންނެވެ.

މެޗުގެ ފުރަތަމަ ހާފުގެ އިތުރު ވަގުތުގައި އަލް އަހްލީ ސައޫދީއަށް ލަނޑު ޖަހައި ލީޑު ނަގައިދިނީ، ރިޔާދު މާރޭޒްއެވެ. އެ ޓީމުގެ އަނެއް ތިން ލަނޑު ޖެހީ ދެވަނަ ހާފުގައެވެ. މެޗުގެ 58 ވަނަ މިނެޓުގައި އަލް އަހްލީ ސައޫދީގެ ދެވަނަ ލަނޑު ޖަހައި ލީޑު ފުޅާކޮށްދިނީ ގަބްރީ ވިއެގާއެވެ. އޭގެ ފަހުން މެޗުގެ 81 ވަނަ މިނެޓުގައި އެ ޓީމުގެ ތިންވަނަ ލަނޑު ޖެހީ ފެރާން އަލްބްރިކާންއެވެ. މެޗުގެ ފުރިހަމަ ވަގުތު ހަމަވެ، އިތުރަށް ދެއްކި ވަގުތުގައި އެ ޓީމުގެ ފަހު ލަނޑު ޖެހީ މެރިހް ޑެމިރަލްއެވެ.

އަލް ހަޒްމް އަތުން ހޯދި މޮޅާއެކު އަލް އަހްލީ ސައުދީ ލީގު ތާވަލްގެ ތިން ވަނައިގައި އޮތީ، މިހާތަނަށް ކުޅުނު 18 މެޗުން 37 ޕޮއިންޓު ހޯދައިގެންނެވެ. ސީޒަންގެ ކުރީކޮޅު އަލް އަހްލީ ސައޫދީގެ ކުޅުން ދަށްވިނަމަވެސް، ފަހަކަށް އައިސް އެ ޓީމު އަންނަނީ ތިންވަނައިގައި ހިފަހައްޓަމުންނެވެ.