ކ. މާލެ
|
28 ޖުލައި 2017 | ހުކުރު 01:18
ސައުދު ހުސައިން ކުނޫޒް ކައިރީގައި
ސައުދު ހުސައިން ކުނޫޒް ކައިރީގައި
މުހައްމަދު ޝަރުހާން
ސައުދު ހޯދުމަށް އިއުލާނުކުރުން
ވިލިނގިލި ދާއިރާގެ މެމްބަރު ސައުދު ހުސެއިން ހޯދުމަށް ފުލުހުން އިއުލާންކޮށްފި
 
ސައުދު މިދިޔަ އަންގާރަ ދުވަހު ވެސް ހައްޔަރުކުރި
 
އަމީތުވެސް މިރޭ ވަނީ ހައްޔަރުކޮށްފަ
 
މިކަން ފުލުހުން އިއުލާނުކޮށްފައިވަނީ ބުރާސްފަތި ދުވަހުގެ ރޭގައި

ރައްޔިތުންގެ މަޖިލީހުގެ ވިލިނގިލި ދާއިރާގެ މެންބަރު ސައުދު ހުސެއިން ހޯދުމަށް ފުލުހުން އިއުލާނުކޮށްފި އެވެ.

 

ފުލުހުން ނެރުނު ބަޔާނުގައި ބުނެފައިވަނީ ފުލުހުން ތަހުގީގު ކުރަމުންދާ މައްސަލައަކާއި ގުޅިގެން ގއ. ވިލިނގިލި އަޅިވިލާގެ އުމުރުން 36  އަހަރުގެ ސައުދު ހުސައިން ހޯދަމުންދާ ކަމަށެވެ. ސައުދު ހުސައިންގެ އެއްވެސް މައުލޫމާތެއް ލިބިފައިވާ ނަމަ ފުލުހުންގެ ސީރިއަސް އެންޑް އޮގަނައިޒު ކްރައިމް ޑިޕާޓްމެންޓަށް ގުޅައިގެން އެ މައުލޫމާތު ހިއްސާކުރުމަށް ވަނީ އެދިފަ އެވެ.

 

ސައުދު ހޯދުމަށް ފުލުހުން އިއުލާންކުރުމާއި ގުޅިގެން އޭނާ ކުރެއްވި ޓުވީޓެއްގައި ވިދާޅުވެފަިއވަނީ، ފުލުހުންގެ ޒިންމާދާރުކަން ވަރަށް ކުޑަ ކަމަށެވެ. އަދި ގެއްލުވާލަން އުޅުނު ނަމަވެސް ނުގެއްލޭނެ ކަމަށާއި، ނުވެސް ފިލާނެކަމަށް ސައުދު ވިދާޅުވެފައިވެއެވެ. އެއާއެކު އަމުރު ރަނގަޅުތޯ ސައުދު ވަނީ ސުވާލުކުރައްވާފަ އެވެ. 

 

 

ސައުދު ހޯދުމަށް އިއުލާނުކޮށްފައިވާ އިރު، މިދިޔަ އަންގާރަ ދުވަހު ރޭ ވެސް ސައުދު ހައްޔަރުކޮށްފައިވެ އެވެ. އެހެން ނަމަވެސް ކޯޓުއަމުރުގައި ހުރި މައްސަލަތަކަކާއި ގުޅިގެން އޭނާ ވަނީ ފަހުން ދޫކޮށްލާފަ އެވެ.

 

އޭނާ އެފަހަރު ހައްޔަރުކޮށްފައިވަނީ ރައްޔިތުންގެ މަޖިލީހުގެ މެންބަރުން ނޫން ކަމަށް ރައްޔިތުންގެ މަޖިލީޙުން ކަނޑައަޅާފައިވަނިކޮށް، ފުލުހުންގެ ސަފުތައް ފަޅާލައި ރައްޔިތުންގެ މަޖިލީހުގެ އިދާރާއަށް ވަދެފައިވާކަމުގެ ތުހުމަތުގައެވެ. އެހެން ނަަމަވެސް އަމުރުގައި ހައްޔަރުކުރުމަށް  ބޭނުންވާ ސަބަބުގެ ގޮތުގައި ހިމަނާފައިވާ ބައިގައި ވަނީ މުހައްމަދު އަމީތު އަހްމަދު މަނިކުގެ ނަމެވެ. 

 

 ސައުދު ހޯދުމަށް ފުލުހުން މަސައްކަތް ކުރާ އިރު، ބުރާސްފަތި ދުވަހުގެ ރޭ ފުލުހުން ވަނީ  މަޑުއްވަރީ ދާއިރާގެ މެންބަރު އަހްމަދު އަމީތުވެސް ހައްޔަރުކޮށްފަ އެވެ.

 

މީގެ އިތުރުން ހޯމަ ދުވަހު ތުލުސްދޫ ދާއިރާގެ މެންބަރު މުހައްމަދު ވަހީދު އިބްރާހިމް ފުލުހުންގެ ބެލުމުގެ ދަށަށް ގެނެސްފައިވާ އިރު އަންގާރަ ދުވަހު ވަނީ އޭނާގެ ބަންދަށް ކްރިމިނަލް ކޯޓުން  15 ދުވަސް ޖަހާފަ އެވެ

 

 ސައުދު، އަމީތު އަދި ވަހީދުގެ  ގޮނޑި ގެއްލިފައިވާ ކަމަށް އިލެކްޝަންސް ކޮމިޝަނުންނާއި މަޖިލީހުން ކަނޑައަޅާފައިވާއިރު، ގޮނޑި ގެއްލުނު މައްސަލައިގައި ސުޕްރީމް ކޯޓުން ވަކި ގޮތެއް ނިންމާފައި ނުވެ އެވެ. އެ މައްސަލަ އެ މެމްބަރުން ވަނީ ދިވެހިރާއްޖޭގެ ސުޕްރީމް ކޯޓަށްވެސް ހުށައަޅުއްވަފަ އެވެ. އަދި އެ މައްސަލާގެ ޝަރީއަތްތައް ވަރަށް އަވަހަށް ފަށާނެކަންވެސް އެ ކޯޓުން އެ މެމްބަރުންނަށް އަންގާފައިވެއެވެ. 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
80%
0%
0%
20%
0%
0%
ކޮމެންޓް
28 ޖުލައި 2017 | ހުކުރު 07:34
ޖާނޭ
ވައްތަރު މީޙަކު ހޯދަނީ. ދާނެ ކަމެއްނެތް. ވެދާނެ އެހެން މީހަކަށްވެސް. އަނގަމަޑުންލައިގެން ހުރެވޭތޯ ބަލާ. . ޕެންޑްރައިވް ހޯދި ބަޔަކަށް ސައުދު އެނގޭނެ.