ރާއްޖެ
ކަރަންޓު ކެނޑުން
މާދަމާ ހެނދުނު މާލެއާއި ހުޅުމާލެއިން ކަރަންޓު ކެނޑިދާނެ: ސްޓެލްކޯ
މާދަމާ ހެނދުނު 6:30 އާއި 9:30 އާ ދެމެދު ކަރަންޓު ކެނޑިދާނެ
ސިމާހާ ނަސީމް, ރާއްޖެ އެމްވީ | 14 ޑިސެމްބަރު 2023 | ބުރާސްފަތި 16:07
ސްޓެލްކޯ
މާދަމާ ހެނދުނުގެ ވަގުތެއްގައި މާލެ އަދި ހުޅުމާލޭގެ އެކި ސަރަހައްދުތަކުން ކަރަންޓު ކެނޑިދާނެ ކަމަށް ސްޓެލްކޯ އިން ބުނެފިއެވެ.
ސްޓެލްކޯ އިން ބުނީ ހުޅުމާލޭ އިންޖީނުގޭގެ ކޮންޓްރޯލް ސިސްޓަމުގައި ކޮންމެހެން ކުރަން ޖެހޭ މަސައްކަތެއް މާދަމާ ހެނދުނު ކުރުމަށް ހަމަޖެހިފައިވާ ކަމަށާއި އެ މަސައްކަތް ކުރަން ހަމަޖެހިފައިވަނީ މާދަމާ ހެނދުނު 6:30 އާއި 9:30 އާ ދެމެދު ކަމަށެވެ.
އެ މަސައްކަތް ކުރިއަށްދާއިރު، މާލެއާއި ހުޅުމާލޭގެ އެކި ސަރަހައްދުތަކުން ކަރަންޓު ކެނޑުމަކީ އެކަށީގެންވާ ކަމެއް ކަމަށް ވެސް ސްޓެލްކޯ އިން ބުންޏެވެ.
