ނިއުކާސަލް ޔުނައިޓެޑް ބަލިކޮށް، އެވަޓަން ރެލިގޭޝަނުން ބޭރަށް

އަދަބެއްގެ ގޮތުން ޕޮއިންޓް އުނިކުރުމުން, ރެލިގޭޝަން ޒޯނަށް ސޮއްސާލި އެވަޓަން އިން, ނިއުކާސަލް ޔުނައިޓެޑް ބަލިކޮށް އެޒޯނުން ކުރިއަށް ޖެހިލައިފިއެވެ.

މެޗަށް ނުކުތްއިރު ރެލިގޭޝަން ޒޯންގައި އޮތް އެވަޓަން އިން އަމިއްލަ ދަނޑުގައި ނިއުކާސަލްގެ މައްޗަށް ހޯދީ ބޮޑު މޮޅެކެވެ. މި މެޗު އެވަޓަން އިން ކާމިޔާބުކުރީ 3-0 ނެވެ. މެޗުގައި އެވަޓަންގެ ލަނޑުތައް ކެހީ މެކްނެއިލް އާއި ޑޫކޯރޭ އާއި އިތުރު ވަގުތުގައި ގޯމޭޒް ބެޓަންކަލް އެވެ. މެޗުގައި އެވަޓަން އިން ތިން ލަނޑުވެސް ޖެހި ފަހު 11 މިނެޓުގެ ތެރޭގައެވެ.

އެވަޓަން ރެލިގޭޝަނަށް ސޮއްސާލީ އެ ޓީމު އަތުން 10 ޕޮއިންޓް އުނިކުރުމުންނެވެ. އެކަމަކު ނިއުކާސަލް ބަލިކޮށް 10 ޕޮއިންޓާއެކު 17 ވަނަ އަށް ޖެހިލުމުން ލީގުގައި ދެމިއޮތުމުގެ ފުރުޞަތު ލިބި, އުއްމީދު ވަނީ ލިބިފައެވެ. އެކަމަކު ރެލިގޭޝަނާއި އެވަޓަންއާ ދެމެދު އަދި އޮތީ ޕޮއިންޓެއްގެ ފަރަގެކެވެ. ނިއުކާސަލް ޔުނައިޓެޑް އޮތީ 26 ޕޮއިންޓާއެކު 7 ވަނާގައެވެ.