ލިވަޕޫލް މޮޅުވެ، އާސެނަލްއާ ދެމެދު ދެ ޕޮއިންޓްގެ ފަރަގެއް

ލީގު ތާވަލްގެ ފުލުގައި އޮތް ޝެފީލްޑް ޔުނައިޓެޑް އަތުން މޮޅުވެ, ލިވަޕޫލުން އާސެނަލްގެ ފަހަތުގައި ވިއްދައިފިއެވެ.

ޝެފީލްޑްގެ ދަނޑުގައި ލިވަޕޫލް ކުރި ހޯދީ 2-0 ނެވެ. މެޗުގައި ލިވަޕޫލަށް ކުރިހޯދައިދިނީ ފުރަތަމަ ހާފްގެ ފަހުކޮޅު ޑިފެންޑަރ ވެންޑައިކް އެވެ. ލިވަޕޫލުން ދެވަނަ ލަނޑެއް ޖެހީ މެޗުގެ ފުރިހަމަ ވަގުތު ހަމަވެ, ދެއްކި އިތުރު ވަގުތުގެ ތެރޭގައެވެ. އެމެޗުން މޮޅުވެގެން ރެލިގޭޝަނުން ކުރިއަށް ޖެހިލުމުގެ ފުރުޞަތު ޝެފީލްޑަށް އޮތަސް, މިނަތީޖާއާއެކު އެޓީމް އޮތީ 5 ޕޮއިންޓާއެކު ފުލުގައެވެ. މިސީޒަންގެ ލީގުގައި ލިވަޕޫލް މިހާތަނަށް ބަލިވީ އެއް މެޗުންނެވެ. މެޗަށްފަހު ކޯޗު ކްލޮޕް ބުނީ މޮޅު ދެ ގޯލާއެކު މޮޅުވެ, ކުރިއަށް ފިޔަވަޅު އެޅުމުން ހިތްހަމަ ޖެހުން ލިބޭ ކަމަށެވެ.

ލީގުގައި ފުލަމް އިން ވަނީ 5-0 ން ނޮޓިންގހަމް ފޮރެސްޓް ބަލިކޮށްފައެވެ. ފުލަމް އޮތީ ލީގު ތާވަލްގައި 12 ވަނަ އަށް ކުރިއަށް ޖެހިލާފައެވެ.2-1 ން ބްރެންޓްފޯޑް ބަލިކޮށް, ބްރައިޓަން އޮތީ 25 ޕޮއިންޓާއެކު އަށް ވަނައިގައެވެ.