އެމްޑީޕީގެ މަޖިލިސް މެންބަރުންނާ ރައީސް ޞާލިހު ބައްދަލު ކުރައްވައިފި
6 ޑިސެމްބަރު 2023 | ބުދަ 16:08ރައްޔިތުންގެ މަޖިލީހުގައި މިވަގުތު ހިނގަމުންދާ ކަންތައްތަކާއި ގުޅޭގޮތުން މަޝްވަރާ ކޮށްފައިވޭ
އެމްޑީޕީގެ މަޖިލިސް މެންބަރުންނާ ރައީސް ޞާލިހު ބައްދަލު ކުރެއްވުން
އެމްޑީޕީގެ ވަގުތީ ރައީސް އަދި ރާއްޖޭގެ ކުރީގެ ރައީސް އިބްރާހިމް މުހައްމަދު ޞާލިޙް އެ ޕާޓީގެ ރައްޔިތުންގެ މަޖިލީހުގެ މެންބަރުންނާ ބައްދަލުކުރައްވައިފިއެވެ.
އެމްޑީޕީގެ ރަސްމީ އެކްސް އެކައުންޓުގައި ކުރި ޕޯސްޓެއްގައި މި ބައްދަލުވުން ބޭއްވިކަން ބުދަ ދުވަހު ވަނީ އިއުލާންކޮށްފައެވެ.
މި ބައްދަލުވުމުގައި އެ ޕާޓީގެ ޗެއާޕާސަން ފައްޔާޒު އިސްމާޢީލާއި ތަރުޖަމާނު އަނަސް އަބްދުއްސައްތާރު ބައިވެރިވެވަޑައިގެންނެވިއެވެ.
ރާއްޖެއެމްވީއަށް މައުލޫމާތު ދެއްވަމުން އަނަސް އަބްދުއްސައްތާރު ވިދާޅުވީ ބައްދަލުވުމުގައި މަޝްވަރާ ކުރައްވާފައިވަނީ ރައްޔިތުންގެ މަޖިލީހުގައި މިވަގުތު ހިނގަމުންދާ ކަންތައްތަކާއި ގުޅޭގޮތުން ކަމަށެވެ.
އެމްޑީޕީގެ ޕީޖީ ގްރޫޕުގައި މިވަގުތު ހިމެނެނީ މަޖިލީހުގެ 56 މެންބަރުންނެވެ.
