އަހަރެން ކުޅުވާ ގޮތަށް ގިނަ ކުޅުންތެރިން ތާއީދު ކުރޭ: ޓެން ހާގް
6 ޑިސެމްބަރު 2023 | ބުދަ 06:0310 މެޗުން ބަލިވި ނަމަވެސް ކޯޗަށް ޔުނައިޓެޑްގެ މިސްރާބު ރަނގަޅު
މެގުއާ އާއި ޓެން ހާގް
މި ސީޒަނުގައި މިހާތަނަށް 10 މެޗަކުން ބަލިވެފައިވީ ނަމަވެސް މެންޗެސްޓާ ޔުނައިޓެޑް އޮތީ ރަނގަޅު މިސްރާބެއްގައި ކަމަށް ކޯޗު އެރިކް ޓެންހަގް ބުނެފި އެވެ.
އޭނާ މިހެން ބުނީ ޓީމުގެ ކުޅުމާއި އޭނާގެ ކޯޗިންގެ މެތަޑްތަކާމެދު ޔުނައިޓެޑްގެ ބައެއް ކުޅުންތެރިން ހިތްހަމަނުޖެހޭ ކަމަށް ދެކެވޭ ވާހަތަކަށް ޖަވާބުދެމުންނެވެ.
އޭނާ ބުނީ މި ހަފުތާގައި ނިއުކާސަލް އަތުން ބަލިވެ، އިނގިރޭސި ޕްރެމިއާ ލީގުގެ ހަތް ވަނަ އަށް ވެއްޓުނު ނަމަވެސް މުސްތަގްބަލަށް ޔުނައިޓެޑް ދަނީ ރަނގަޅުވަމުން ކަމަށެވެ.
މިދިޔަ ސީޒަނުގައި ޓީމާ ހަވާލުވެ، ޓެން ހާގްގެ އިރުޝާދުގެ ދަށުން ޔުނައިޓެޑުން އެތައް އަހަރަކަށްފަހު ތައްޓެއް ހޯދި އެވެ. އެކަމަކު ނަތީޖާތައް ގޯސްވެ، ޗެމްޕިއަންސް ލީގާއި ޕްރެމިއާ ލީގުގައި ފަހަތަށްދާތީވެ ސަޕޯޓަރުން ދަނީ ހިތްހަމަނުޖެހުމުންނެވެ. އަދި ކުޅުންތެރިން ވެސް މިހާރު އޭނާއަށް ކުރި އިތުބާރު ގެއްލެމުންދާ ކަމަށް އިނގިރޭސި ނޫސްތަކުން ބުނެ އެވެ. ނަމަވެސް ކޯޗު ބުނީ އޭނާ ގާތުގައި ކަމެއް ރަނގަޅު ކުރަން ހިޔާލެއްދީ ހަދަނީ ވެސް އެންމެ ދެ ކުޅުންތެރިން ކަމަށާއި ޓީމުގެ ގިނަ ކުޅުންތެރިން އޭނާ ކުޅުވާ ގޮތާމެދާ ހިތްހަމަޖެހޭ ކަމަށެވެ.
