އެމްޑީޕީ ޕާލިމަންޓަރީ ގްރޫޕުގެ ޑެޕިއުޓީ ލީޑަރުކަމުގެ އިންތިޚާބަށް ހުޅުވާލައިފި
28 ނޮވެމްބަރު 2023 | އަންގާރަ 06:5102 ޑިސެމްބަރ 2023 ވާ ހޮނިހިރު ދުވަހުގެ 18:00 ނިޔަލަށް ފޯމު ހުށައެޅޭނެ
ލައިޝާ އަހްމަދު | 28 ނޮވެމްބަރު 2023 | އަންގާރަ 06:51
އެމްޑީޕީ ޕީޖީ ގްރޫޕުން ބޭއްވި ނޫސްވެރިންގެ ބައްދަލުވުމެއްގެ ތެރެއިން
މޯލްޑިވިއަން ޑިމޮކްރަޓިކް ޕާޓީ (ޢެމްޑީޕީ) ގެ ޕާލިމަންޓަރީ ގްރޫޕުގެ ޑެޕިއުޓީ ލީޑަރު ކަމުގެ އިންތިޚާބަށް ހުޅުވާލައިފިއެވެ.
އެމްޑީޕީން ބުނީ، އެ ޕާޓީގެ ހުސްވެފައިވާ ޕާލިމަންޓަރީ ގްރޫޕުގެ ޑެޕިއުޓީ ލީޑަރު ހޮވުމަށް ބާއްވާ އިންތިޚާބު 05 ޑިސެމްބަރ 2023 ވާ އަންގާރަ ދުވަހު ބޭއްވުމަށް ހަމަޖެހިފައިވާކަމަށެވެ.
ވީމާ އިންތިޚާބަށް ކުރިމަތިލުމުގެ ފުރުޞަތު އަންގާރަ ދުވަހުން ފެށިގެން 02 ޑިސެމްބަރ 2023 ވާ ހޮނިހިރު ދުވަހުގެ 18:00 ނިޔަލަށް ވަނީ ހުޅުވާލެވިފައެވެ.
މި އިންތިޚާބުގައި ބައިވެރިވާން ބޭނުންވާ އެމްޑީޕީގެ ޕާލަމަންޓަރީ ގްރޫޕުގެ މެންބަރުން ގޫގުލްފޯމުފުރިހަމަކުރެއްވުމަށް އެ ޕާޓީން ވަނީ އެދިފައެވެ.
