އަމިއްލަ ދަނޑުގައި މާޒިޔާ ބަލިކުރެވޭނެ ކަމުގެ އުއްމީދު ބޮޑު: ކޯޗު
27 ނޮވެމްބަރު 2023 | ހޯމަ 05:12އަމިއްލަ ދަނޑުގައި މާޒިޔާ އަތުން ބަލިވެފައި ނެތުމަކީ އިތުބާރެއް ކަމަށް ކޯޗު ބުނޭ
ހަމްޕު ޖެހި ފުރަތަމަ ލަނޑަށްފަހު މާޒިޔާ ކުޅުންތެރިން އުފާފާޅުކުރަނީ: ފޮޓޯ-މާޒިޔާ
ބަންގްލަދޭޝްގައި މެޗު ކުޅޭތީވެ، އޭއެފްސީ ކަޕުގައި މާދަމާ ރާއްޖޭގެ މާޒިޔާ، ބަލިކުރެވޭނެ ކަމުގެ ޔަގީންކަން ބޮޑު ކަމަށް ބަޝުންދުރަ ކިންގްސްގެ ކޯޗު އޮސްކާ ބުރުޒޮން ބުނެފި އެވެ.
ދެ ވަނަ ބުރަށް ދިއުމަށް މި މެޗަކީ ދެ ޓީމަށް ވެސް މޮޅުވާން މަޖުބޫރު މެޗެކެވެ. ބަޝުންދުރަ މިވަގުތު އޮތީ އިންޑިޔާގެ މޯހަން ބަގާންއާ ހަތް ޕޮއިންޓުން ގޮތުން ހަމަހަމަވެ ގޯލުގެ ތަފާތުން ޓޭބަލުގެ ކުރީގައެވެ. މާޒިޔާ އޮތީ ތިން ޕޮއިންޓާއެކު ޓޭބަލުގެ ފުލުގަ އެވެ. ބާކީ ކޮންމެ ޓީމަކަށް އެއް މެޗު އޮތުމުން މި މެޗުން މޮޅުނުވެވިއްޖެނަމަ މިހާރު ވެސް ދެ ވަނަ ބުރަށް ދިއުމުގެ އަމިއްލަ ބާރު ނެތް މާޒިޔާ ކަޓާނެ އެވެ.
އޮސްކާ ބުނީ އޭނާގެ ޓީމު މާލޭގައި މާޒިޔާ އަތުން 3-1އިން ބަލިވެފައިވީ ނަމަވެސް އަމިއްލަ ދަނޑުގައި ބަލިނުވާ ކަމަށެވެ.
ކުރިން ރާއްޖޭގެ ނިއުރޭޑިއަންޓަށް ވެސް ކޯޗުކޮށްދިން އޮސްކާ ބުނީ އޭނާގެ ޓީމަށް އޮތް ހަމައެކަނި ނުތަނަވަސްކަމަކީ ގާތްގާތުގައި މެޗުތައް ކުޅެން ޖެހުމުން ބައެއް ކުޅުންތެރިންނަށް ހާނިއްކަވެފައިވުން ކަމަށެވެ. މި ގޮތުން ކެޕްޓަން ބްރެޒިލްގެ ރޮބްސަން ޑަސިލްވާ އަށް ކުޅެވޭނެ ކަމާމެދު ޔަގީނެއްނޫނެވެ.
މާޒިޔާގެ ކޯޗު ބޮސްނިއާގެ މިލޯމިރް ސެސްލިއާ ބުނީ ބަޝުންދުރަ ފަދަ ގަދަ ޓީމުތަކާ ދެކޮޅަށް ކުޅުމަކީ މާޒިޔާ އަބަދުވެސް އެދޭގޮތް ކަމަށާއި މެޗާ މެދު އޭނާގެ ޓީމު އޮތީ އިތުބާރާއެކުގައި ކަމަށެވެ.
