އަންނަ އަހަރު ގަތަރުގައި ބާއްވާ އޭޝިއަން ކަޕް ފުޓްބޯޅަ މުބާރާތުގައި އޭޝިޔާގެ ފުޓްބޯޅައިގެ ގަދަ ދެ ބާރު ކަމަށްވާ ޖަޕާނާއި ދެކުނު ކޮރެޔާގެ އިތުރުން ޗައިނާ އެއް ގްރޫޕެއްގައި ލައްވާލައިފި އެވެ.
މި ތިން ގައުމާއެކު ގްރޫޕް ބީގައި ދެން ހިމެނެނީ ޔޫއޭއީ އެވެ.
އެންމެ ފަހުގެ ޗެމްޕިއަން ގަތަރު ހިމެނެނީ އޮސްޓްރޭލިޔާ އާއި ޖޯޑަން އަދި އިންޑޮނީޝިއާއާއެކު އޭ ގްރޫޕުގަ އެވެ.
ގްރޫޕް ސީގައި ހިމެނެނީ ސައޫދީ އަރަބިއްޔާ އާއި އިރާޤު، ތައިލެންޑް އަދި ތަޖިކިސްތާނެވެ. ގްރޫޕް ޑީގައި ހިމެނެނީ އުޒުބަކިސްތާނާއި ވިއެޓްނާމް އަދި ކުވޭތާއި މެލޭޝިޔާ އެވެ.
އޭޝިއަން ކަޕްކީ އޭޝިޔާގެ އެންމެ ބޮޑު ފުޓްބޯޅަ މުބާރާތެވެ. މި މުބާރާތް ގަތަރުގައި މި ބާއްވަނީ އެ ގައުމުގައި ވޯލްޑްކަޕް ބޭއްވިތާ ގާތްގަނޑަށް ދޮޅު އަހަރު ފަހުންނެވެ. މިހެންވެ ވޯލްޑްކަޕަށް ތައްޔާރު ސްޓޭޑިއަމްތަކާއި ތައްޔާރީތަކުގެ ސަބަބުން އޭޝިއަންކަޕް ބާއްވަން ވަރަށް ގިނަ ފަސޭހަތަކެއް ހުރިކަން ގަތަރުން ވަނީ ފާހަގަކޮށްފަ އެވެ.
