އަދީބު ބޭސްފަރުވާއަށް ސިންގަޕޫރަށް ވަޑައިގެންފި
26 ނޮވެމްބަރު 2023 | އާދީއްތަ 07:30ޙުކުމެއް އިއްވާފައިވަނިކޮށް އެ ޙުކުމަށް ދިން ލުޔާއެކު އަދީބު ވަނީ މިނިވަންވެފައި
ކުރީގެ ނާއިބު ރައީސް އަޙްމަދު އަދީބު
ކުރީގެ ނާއިބު ރައީސް އަޙްމަދު އަދީބު ބޭސްފަރުވާއަށް ސިންގަޕޫރަށް ވަޑައިގެންފިއެވެ.
އެމްއެމްޕީއާރްސީގެ ޚިޔާނާތުގެ ކުށް ސާބިތުވެ، ޖަލު ޙުކުމެއް އިއްވާފައިވަނިކޮށް އެ ޙުކުމަށް ދިން ލުޔާއެކު އޭނާ ވަނީ މިނިވަންވެފައެވެ. މިނިވަންވުމާއެކު އަދީބު ވަނީ ރާއްޖެއިން ފުރާވަޑައިގެންފައެވެ. އެއީ މިދިޔަ ހަފްތާގެ ކުރީކޮޅުއެވެ.
ބައެއް ނޫސްތަކުން ވަނީ އަދީބު ސިންގަޕޫރަށް ދިރިއުޅުން ބަދަލު ކުރައްވާފައިވާކަމަށް ރިޕޯޓުކޮށްފައެވެ. އެހެންނަމަވެސް އެކަން އަދީބު ވަނީ ދޮގު ކުރައްވާފައެވެ.
މައުލޫމާތު ލިބިފައިވާ ގޮތުގައި އުމްރާއެއް ކުރެއްވުމަށްފަހު އަނެއްކާ ވެސް އަދީބު ވަނީ ސިންގަޕޫރަށް ވަޑައިގެންފައެވެ. އެއީ ބޭސްފަރުވާގެ ކަންކަން ފުރިހަމަ ކުރެއްވުމަށްކަމަށް ވަނީ މައުލޫމާތު ލިބިފައެވެ. އަދީބު ވިދާޅުވީ، ބޭސްފަރުވާއަށްފަހު އަނބުރާ ރާއްޖެ ވަޑައިގަންނަވާނެ ކަމަށެވެ.
