މޯލްޑިވިއަން ޑިމޮކްރަޓިކް ޕާޓީ (އެމްޑީޕީ)ގެ ޕާލިމެންޓްރީ ގްރޫޕުގެ ލީޑަރު ހޮވުމަށް ބޭއްވި އިންތިޚާބުގެ ދާއިމީ ނަތީޖާ އެ ޕާޓީން އިޢުލާންކޮށްފިއެވެ.
ހޮނިހިރު ދުވަހު އެމްޑީޕީން ވަނީ 22 ނޮވެމްބަރ 2023ގައި ބޭއްވި އިންތިޚާބުގެ ދާއިމީ ނަތީޖާ އާންމުކޮށްފައެވެ.
އެގޮތުން ބަލާއިރު، އަލިފުށީ ދާއިރާގެ މެންބަރު މުޙައްމަދު ރަޝީދު ޙުސައިނަށް ލިބިވަޑައިގެންފައިވަނީ 28 ވޯޓެވެ. ކުރެންދޫ ދާއިރާގެ މެމްބަރު ޢަބްދުލް ޣަނީ ޢަބްދުލްޙަކީމަށް ލިބިވަޑައިގެންނެވީ 2 ވޯޓެވެ. އަދި ކާށިދޫ ދާއިރާގެ މެމްބަރު ޢަބްދުﷲ ޖާބިރަށް ލިބިވަޑައިގެންނެވީ 20 ވޯޓެވެ.
މި އިންތިޚާބުގެ ޞައްޙަ ވޯޓުގެ އަދަދަކީ 50ވެ. ބާތިލު 1 ވޯޓު ހިމެނޭއިރު، ޖުމްލަ ވޯޓުގެ އަދަދަކީ 51ވެ.
