އިންޑިއާގެ ދިދަ އެކޮޅުކޮޅަށް ބޭނުން ކުރެވުމުން އަކްޝޭ މާފަށް އެދެފި

އިންޑިއާގެ ދިދަ އެކޮޅުކޮޅަށް ބޭނުން ކުރެވުމުން އަކްޝޭ މާފަށް އެދިއްޖެއެވެ.

އިންޑިއާގެ އަންހެން ކްރިކެޓް ޓީމު އާދީއްތަ ދުވަހުގަ ލަންޑަނުގައި ކުޅުނު މެޗުގައި އަކްޝޭކުމާރު ވަނީ ސަޕޯޓް ކުރަން ދަނޑަށް ގޮސްފަ އެވެ.

އަކްޝޭއަށް ވަނީ ސަޕޯޓް ކުރަން ހުރި ފޯރިއެއްގެ ބޮޑުކަމުން އިންޑިއާގެ ދިދަ އެކޮޅު ކޮޅުން ބޭނުންކުރެވިފައެވެ.

އެހެން ކަމުން އަކްޝޭ ވަނީ އޭނާއަށް އިންޑިއާގެ ދިދަ އެކޮޅުކޮޅަށް ބޭނުން ކުރެވުމުން މާފަށް އެދިފައެވެ.

އަކްޝޭ ކޮށްފައިވާ ޓްވީޓްގައި ބުނެފައި ވަނީ އޭނާ އެ ދިދަ ބޭނުން ކުރެވުނީތީ މާފަށް އެދޭ ކަމަށާއި އޭނާ ޓްވިޓާއަށް ލާފައިވާ ފޮޓޯ މިހާރު ނަގާފައިވާ ކަމަށެވެ.

އެކަމާއި ގުޅިގެން އޭނާއަށް ބެލުންތެރިންގެ ފާޑު ކިއުން އަމާޒުވި ނަމަވެސް އޭނާ މާފަށް އެދުމުން ވަނީ އެއީ ރީތި ގޮތެއް ކަމަށް ބުނެ ޓްވީޓް ކުރަމުންނެވެ.

އިންޑިއާ ދިދަ ރަނގަޅަށް ހުންނައިރު އޮރެންޖު ކުލަ އެންމެ މައްޗަށް ވާގޮތަށް އަދި މެދުގައި ހުދު ކުލަ ، އެއާއި ޖެހިގެން އެންމެ ތިރިއަށް ހުންނަނީ ފެހިކުލައެވެ. އެހެން ނަމަވެސް އަކްޝޭއަށް އެ ދިދަ ބޭނުން ކުރެވުނީ ފެހިކުލަ މައްޗަށް ވާގޮތަށެވެ.