އަންނަ ހުކުރު ދުވަހު އިސްލާމީ މަރުކަޒަށް ދާ މީހުން، މިސްކިތުގެ ދެކުނާއި އިރުމަތީ ފަޅި ބޭނުންކުރަން އަންގައިފި
އިންތިޚާބީ ރައީސާއި ނައިބު ހުވާކުރެއްވުމުގެ ޖަލްސާއަށް، ހުކުރު ދުވަހު ޖުމްހޫރީ މައިދާން ސަރަހައްދު ބަންދުވާނެ
އިސްލާމީ މަރުކަޒު
އަންނަ ހުކުރު ދުވަހު، އިންތިޚާބީ ރައީސް ޑރ. މުޙައްމަދު މުޢިއްޒުއާއި އިންތިޚާބީ ނައިބު ރައީސް ޙުސައިން މުޙައްމަދު ލަޠީފު، މަގާމުގެ ހުވާކުރެއްވުމަށް ބާއްވާ ޖަލްސާއާ ގުޅިގެން، އެ ދުވަހު އިސްލާމީ މަރުކަޒަށް ދާ މީހުން މިސްކިތުގެ ދެކުނާއި އިރުމަތީ ފަޅި ބޭނުންކުރަން އަންގައިފިއެވެ.
އިސްލާމިކް މިނިސްޓްރީން އަންގާރަ ދުވަހު ނެރުނު އިއުލާނެއްގައި ވަނީ، އަސުރު ނަމާދާއި މަޣްރިބު ނަމާދު ވަގުތަށް، މަސްޖިދުއްސުލްޠާން މުޙައްމަދު ތަކުރުފާނުލް އަޢުޡަމް (އިސްލާމީ މަރުކަޒު)ގެ ޖުމްހޫރީ މައިދާން ހިމެނޭ ސަރަހައްދު ބަންދުވާނެ ކަމަށެވެ.
އިންތިޚާބީ ރައީސްއާއި ނައިބު ރައީސް ހުވާކުރެއްވުމުގެ ޖަލްސާ ބާއްވަން ތާވަލުކޮށްފައިވަނީ އެ ދުވަހުގެ ހަވީރު 4:45ގައި، ޖުމްހޫރީ މައިދާނުގައެވެ. އެ ޖަލްސާގައި އެކި ގައުމުތަކުގެ އިސް ބޭބޭފުޅުންނާއި ސަރުކާރުގެ އިސް ބޭފުޅުން ބައިވެރިވެވަޑައިގަންނަވާނެއެވެ.
އެ ސަރަހައްދު ބަންދުވާނެތީ، އަސުރު ނަމާއި މަޣްރިބު ނަމާދަށް އިސްލާމީ މަރުކަޒަށް ދާ ފަރާތްތަކުން މެދުޒިޔާރަތް މަގާއި ނެޝަނަލް އާރޓް ގެލެރީ ހުންނަ ފަޅި ބޭނުން ކުރުމަށް ވަނީ އިލްތިމާސްކޮށްފައެވެ.
