ރައީސްގެ ދެކަނބަލުން ރިޔާސީ ގަނޑުވަރުން ބަދަލުވެ ވަޑައިގެންފި

ރައީސް ޞާލިޙް ގެ ދެކަނބަލުން ރިޔާސީ ގަނޑުވަރު، މުލިއާގެއިން ބަދަލުވެ ވަޑައިގެންފިއެވެ.

ރައީސް އޮފީހުގެ ތަރުޖަމާނު މިއުވާން މުހައްމަދު ރާއްޖެއެމްވީއަށް ވިދާޅުވީ ރައީސުލްޖުމްހޫރިއްޔާ އިބްރާޙިމް މުޙައްމަދު ޞާލިޙުގެ ދެކަނބަލުން، ރިޔާސީ ގަނޑުވަރު، މުލިއާގެއިން ދިރިއުޅުން ބަދަލުކުރައްވައިފި ކަމަށެވެ.

އެނގިފައިވާގޮތުގައި ރައީސުލްޖުމްހޫރިއްޔާގެ ދެކަނބަލުން ދިރިއުޅުއްވުން ބަދަލުކުރައްވާފައިވަނީ، އަނބިކަނބަލުން ފަޒްނާ އަޙުމަދުގެ އާއިލާ ދިރިއުޅުއްވަމުންގެންދަވާ މ.ސަނީއަށެވެ.

2018 ވަނަ އަހަރުގެ ރިޔާސީ އިންތިޚާބު ކާމިޔާބު ކުރެއްވުމަށް ފަހު ނޮވެމްބަރު 17 ވަނަ ދުވަހު ހުވާކުރައްވާ ރައީސް ޞާލިޙުގެ ދެކަނބަލުން މުލީއާގެއަށް ބަދަލުވެވަޑައިގަތީ އެ މަހުގެ 30 ވަނަ ދުވަހުއެވެ.

ރިޔާސީ ގަނޑުވަރަކީ ރާއްޖޭގައި ރަސްރަސްކަލުން ދިރިއުޅުއްވި، އަދި މިހާރު ރައީސުން ދިރިއުޅުއްވުމަށް ޚާއްސަ ގަނޑުވަރެކެވެ.