ލިވަޕޫލްގެ ކޮލަމްބިއާ ފޯވާޑް ކުއިސް ޑިއާޒްގެ ބައްޕަ 12 ދުވަސް ފަހުން ދޫކޮށްލައިފިއެވެ.
ލުއިސް މެނުއެލް ޑިއާޒް މިދިޔަ 12 ދުވަސް ހޭދަކުރީ ކޮލަމްބިޔާގެ ހަތިޔާރުއެޅި ޖަމާއަތެއް ކަމަށްވާ ނެޝަނަލް ލިބަރޭޝަން އާމީ (އީއެލްއެން) ގެ ބެލުމުގެ ދަށުގައެވެ. ސަރުކާރާ ދެކޮޅު އެޖަމާއަތުން ލުއިސް ޑިއާޒްގެ ބައްޕަ ކިޑްނެޕްކުރީ އެޖަމާއަތަށް ފަންޑް ހޯދުމަށް ފައިސާއަށް ޑިމާންޑް ކުރަންކަމަށް ރިޕޯރޓްތައް ބުނެއެވެ. އެޖަމާއަތުން ދިޔައީ ލުއިސް ޑިއާޒްގެ ބައްޕަ ކިޑްނެޕް ކުރުމަށްފަހު ސަރުކާގެ އިދާރާތަކާ މުއާމަލާތް ކުރަމުންނެވެ. ދޫކޮށްލީ ދެ ދުވަހުގެ މަޝްވަރާތަކަށް ފަހުއެވެ. ލުއިސް ޑިއާޒްގެ ބައްޕަ ހޯދުމަށް ކޮލަމްބިޔާގެ އަސްކަރިއްޔާއިން ބޮޑު އޮޕަރޭޝަނެއްވެސް ކުރިއަށް ގެންދިޔައެވެ.
ލުއިސް ޑިއާޒްގެ ބައްޕަ ކިޑްނެޕް ކުރުމުން އޭނާ ޓީމާ ވަކިވި ނަމަވެސް, ބައްޕަ ދޫކޮށްލުމުގެ ކުރިން ޓީމާ ގުޅި ލަނޑެއް ވެސް ޖެހިއެވެ. އެ ލަނޑަށްފަހު އުފާފާޅުކުރުމުގެ ގޮތުންވެސް ގޮވާލީ ބައްޕަ ދޫކޮށްލުމަށެވެ. ޖަރޒީގެ ދަށުން ލާފައިވާ ޓީޝާރޓްގައި އެކަމަށް ގޮވާލާ ލިޔެފައިވާ ލިޔުން ދެއްކީ ލަނޑު ޖެހުމަށްފަހު އުފާފާޅުކުރަމުންނެވެ.
