މަރުކަޒީ ފުޓްބޯޅަ އެކަޑަމީއެއްގެ މަސައްކަތް ފީފާގެ ފަރާތުން އެ ޖަމާއަތުގެ ޗީފް ގްލޯބަލް ފުޓްބޯޅަ ޑިވެލޮޕްމަންޓް އާސެން ވެންގާ މި މަހު އިންޑިޔާ އަށް ދިއުމަށް ހަމަޖެހިއްޖެ އެވެ.
މި މަހުގެ 19 އިން 23 އަށް ކުރާ ދަތުރުގައި އިންޑިޔާގެ ފުޓްބޯޅަ ފެޑަރޭޝަނުގެ ރައީސް ކަލިޔާން ޗައުބޭ އާއި މަޝްވަރާކުރާނެ އެވެ. މި ދަތުރުގެ ކުރިން ވެންގާ ވަނީ އޮސްޓްރޭލިޔާގައި އިންޑިޔާގެ އެފްއޭގެ ސެކްރެޓަރީ ޖެންރަލް ސާޖީ ޕްރަބާކަރަންއާއެކު މި މަޝްވަރާތަށް ކުރިއަށް ގެންގޮސްފަ އެވެ.
މި ކަމާ ގުޅޭ ގޮތުން ޗައުބޭ ވިދާޅުވީ އާސެނަލްގެ ކުރީގެ ކޯޗު ވެންގާ އިންޑިޔާ އަށް އައުމަކީ ވަރަށް ޝައުގުވެރިކުރިވަނިވި ކަމެއް ކަމަށާއި ފީފާގެ ރައީސް އިންޑިޔާގެ ފުޓްބޯޅަ އަށް ބަހައްޓަވާ ޝައުގުވެރިކަމާމެދު ހިތްހަމަޖެހޭ ކަމަށެވެ.
ވަރަށް ބޮޑަށް ޝުކުރު އަދާކުރަން ފީފާގެ ރައީސަށް އޭނާ އިންޑިޔާގެ ފުޓްބޯޅައާ މެދު ބަހައްޓާ ޝައުގުވެރިކަމަށް. އޭނާގެ އޮފީހުން މިހާރު ވަނީ އިންޑިޔާ އަށް އަންނާނެ ކަމުގެ ޔަގީންކަން ދީފައި. އަހަރެން އުއްމީދު މިކުރަނީ ވެންގާގެ ދަތުރުގެ ތެރެއިން އައިލީގު ކުލަބުތަކުގެ ވެރިންނާއި ފުޓްބޯޅައަށް މަސައްކަތް ކުރާ ޖަމާއަތްތަކުފެ ވެރިންނާއި ބައްދަލުކޮށް ހާއްސަ ސެޝަނެއް ވެސް ބާއްވަންޗައުބޭ
ވެންގާ ވަނީ މީގެ ކުރިން އިންޑިޔާގެ އެފްއޭ ގުޅިގެން ފީފާގެ މަސައްކަތްތައް ކުރަން ބޭނުންވާ ކަމަށް ބުނެފަ އެވެ. އަދި އިންޑިޔާގެ ކުޑަކުދިންނަށް ފުޓްބޯޅައިގެ ޑިވެލޮމަންޓް ސްޓޭޖުގެ މުހިންމު ހަރަކާތްތަކެއް ހިންގުމަށް އޭނާ ޝައުގުވެރިވެ އެވެ.
