ރާއްޖެ
ކުޑަ ކުއްޖަކަށް އަނިޔާކުރި މައްސަލައެއް
ކުޑަ ކުއްޖަކަށް އަނިޔާކުރިކަމުގެ ތުހުމަތުގައި މެއިޑެއް ހައްޔަރުކޮށްފި
ހައްޔަރުކުރީ 22 އަހަރުގެ އަންހެނެއް
އަމްނާ އިމާދު, ރާއްޖެ އެމްވީ | 26 އޮކްޓޯބަރު 2023 | ބުރާސްފަތި 08:17
ކްރިމިނަލް ކޯޓު
ކުޑަ ކުއްޖަކަށް އަނިޔާކުރިކަމުގެ ތުހުމަތުގައި މެއިޑެއް ހައްޔަރުކޮށްފިއެވެ.
ފުލުހުން ބުނީ މާލޭގެ ގެއެއްގައި ގެންގުޅޭ އިންޑިއާ މީހަކު އެގޭގެ ކުޑަ ކުއްޖަކަށް އަނިޔާކުރި މައްސަލައެއް 24 އޮކްޓޫބަރުވީ އަންގާރަ ދުވަހު ރިޕޯޓުކޮށްފައިވާ ކަމަށެވެ.
މި މައްސަލައާ ގުޅިގެން ކޯޓު އަމުރެއްގެ ދަށުން 22 އަހަރުގެ އަންހެނަކު ވަނީ ހައްޔަރުކޮށްފައިވާ ކަމަށެވެ. އަދި އޭނާގެ ބަންދާމެދު ގޮތެއް ނިންމުމަށް ކްރިމިނަލް ކޯޓަށް ހާޒިރުކުރުމުން 15 ދުވަހަށް ބަނދުގައި ބެހެއްޓުމަށް 25 އޮކްޓޫބަރު 2023 ވަނަ ދުވަހު ކޯޓުން އަމުރުކޮށްފައިވާ ކަމަށެވެ.
މިމައްސަލަ ފުލުހުން ދަނީ ތަހުގީގު ކުރަމުންނެވެ.
ކުޑަކުދިންނާއި ގުޅުންހުރި މައްސަލަތަކަކީ ކަމާބެހޭ މުއައްސަސާތަކުން ޚާއްސަ ސަމާލުކަމެއްދީގެން ތަހުގީގު ކުރަމުންދާ މައްސަލަތަކެކެވެ.
