ނުރައްކާތެރިކޮށް ކާރުދުއްވައި، ފުލުހުންގެ ސައިކަލެއްގައި ޖެއްސި މައްސަލައިގައި 2 މީހުން ހައްޔަރުކޮށްފި
10 އޯގަސްޓު 2025 | އާދީއްތަ 01:32ހުޅުމާލޭގައި ބާރު ސްޕީޑުގައި ދުއްވި ކާރެއް ހުއްޓުވަން އުޅުމުން ފުލުހުންގެ ސައިކަލުގައި ޖައްސައި ވައްޓާލުމާއި ގުޅިގެން އަންހެނަކާއި ފިރިހެނަކު ވަނީ ހައްޔަރުކޮށްފައި
ނުރައްކާތެރިކޮށް ކާރުދުއްވައި، ފުލުހުންގެ ސައިކަލުގައި ޖެއްސި މައްސަލައިގައި 2 މީހުން ހައްޔަރުކުރުން: މި ހާދިސާގައި ފުލުހަކަށް ވަނީ އަނިޔާވެފައި
ހުޅުމާލޭގައި ބާރު ސްޕީޑުގައި ދުއްވި ކާރެއް ހުޓުވުމަށް މަސައްކަތްކުރުމުން ފުލުހުންގެ ސައިކަލުގައި ޖައްސައި އެކްސިޑެންޓް ކޮށްލި މައްސަލައިގައި ދެ މީހުން ހައްޔަރުކޮށްފި އެވެ.
މިކަމާއި ގުޅިގެން ފުލުހުން މީޑިއާތަކާއި ހިއްސާކުރި މެސެޖެއްގައި ބުނީ ހުޅުމާލޭގައި ބާރު ސްޕީޑްގައި ނުރައްކާތެރިކޮށް ދުއްވަމުންދިޔަ ކާރެއް މަޑުކުރުމަށް ފުލުހުން ބުނުމުން މަޑުނުކޮށް ބާރު ސްޕީޑްގައި ހުޅުމާލެ ފޭސް1 އަދި ފޭސް2 ގައި ދުއްވާފައިވާ ކަމަށެވެ.
އަދި މި ކާރުގެ ފަހަތުން ފުލުހުން ދިއުމުން ފުލުހުންގެ ސައިކަލުގައި ކާރުން ޖައްސާ ވައްޓާލާފައިވާ ކަމަށްވެސް ފުލުހުން ބުނެފައިވެ އެވެ.
މި ހާދިސާގައި ސައިކަލުގައި ތިބި ދެ ފުލުހުންގެ ތެރެއިން އެއް ފުލުހަކަށް އަނިޔާވެގެން ހޮސްޕިޓަލުގައި ފަރުވާދެމުންދާ ކަމަށް ފުލުހުން މައުލޫމާތުދީފައިވެ އެވެ.
ހުޅުމާލޭގައި ބާރު ސްޕީޑްގައި ނުރައްކާތެރިކޮށް ދުއްވަމުންދިޔަ ކާރެއް މަޑުކުރުމަށް ބުނުމުން ވެސް މަޑުނުކޮށް ބާރު ސްޕީޑްގައި ހުޅުމާލެ ފޭސް1 އަދި ފޭސް2 ގައި ދުއްވަމުން ދިއުމުން ފުލުހުން އެ ކާރުގެ ފަހަތުން ދިއުމުން ފުލުހުންގެ ސައިކަލްގައި ކާރުން ޖައްސައި ވައްޓާލާފައިވޭ.ފުލުހުންގެ މީޑިއާ
ފުލުހުން ބުނެފައިވަނީ މި މައްސަލައިގައި، ކާރު ދުއްވި ފިރިހެން މީހާއާއި ކާރުގައި އިން އަންހެން މީހާ ފުލުހުންގެ ހައްޔަރަށް ގެނެސްފައިވާ ކަމަށެވެ.
