އުރީދޫ ނޭޝަން ގޭމާސް ލޭންޑް ފެސްޓިވަލުން ވަނަ ހޯދި ފަރާތްތަކަށް އެވޯޑް ދީފި

ރާއްޖޭގައި މިހާތަނަށް ބޭއްވި އެންމެ ބޮޑު ގޭމިންގ ފެސްޓިވަލް، އުރީދޫ ނޭޝަން ގޭމާސް ލޭންޑް ދަ އަލްޓިމޭޓް ގޭމިން ފެސްޓިވަލް ނިންމާލުމުގެ ގޮތުން ރާއްޖޭގެ މޮޅެތި ގޭމަރުންނާއި، ޓީމުތައް އަދި އީސްޕޯޓްސް ކުރިއެރުވުމަށް ހަރަކާތްތެރިވާ ފަރާތްތައް ފާހަގަކޮށް އުރީދޫ ނޭޝަން ގޭމާސް އެވޯޑް ބާއްވައިފިއެވެ.

އުރީދޫ ނޭޝަން ގޭމާސް ލޭންޑް ފެސްޓިވަލް ކުރިއަށް ދިޔައީ 19 އޮކްޓޯބަރުން ފެށިގެން 22 އޮކްޓޯބަރު ގެ ނިޔަލަށެވެ. 350 އަށްވުރެ ގިނަ ގޭމަރުންނާއި އީސްޕޯޓްސް އަށް ލޯބިކުރާ ފަރާތްތަކުން ބައިވެރިވި މި ހަރަކާތުން ހުނަރުވެރިކަމާއި ވަރުގަދަ ވާދަވެރިކަމެއް ފެނިގެންދިޔަ ކަމަށް އުރީދޫއިން ބުންޏެވެ. މި ފެސްޓިވަލްގައި ކުރިއަށް ގެންދިޔަ މުބާރާތްތަކުން މޮޅުވި ފަރާތްތަކުގެ އިތުރުން މުޅި އަހަރު ތެރޭގައި އީސްޕޯރޓްސް ގެ އެކި އެކި ކެޓެގަރީ ތަކުން އެންމެ ފާހަގަކޮށްލެވޭ ގޭމަރުން، ޓީމުތައް އަދި ކޮމިއުނިޓީތައްވެސް އުރީދޫ ނޭޝަން ގޭމާސް އެވޯޑް 2023 ގައި ފާހަގަކުރިއެވެ.

މި އެވޯޑް ހަފްލާގައި ކޮސްޕްލޭ މުބާރާތުގައި ބައިވެރިވި ފަރާތްތަކުގެ ކޮސްޓިއުމާއި ކެރެކްޓަރތައް ދައްކާލުމުގެ ކޮސްޕްލޭ ޝޯ އެއް ކުރިއަށްދިޔައެވެ. 11 ބައިވެރިންގެ އުފެއްދުންތެރިކަމާއި ހުނަރު ދައްކާލި ޝޯ އިން އެއްވަނަ ހޯދާފައިވަނީ ފްރައި ބޯއީ ކެރެކްޓާގެ ގޮތުގައި ބައިވެރިވި އަހުމަދު ވިޝާމްއެވެ. ވިޝާމަށް ވަނީ 10،000 ރުފިޔާގެ ފައިސާގެ އިނާމެއް ދީފައެވެ.

މި ފެސްޓިވަލްގައި ތަފާތު ވާދަވެރި މުބާރާތްތައް ކުރިއަށް ގެންދިޔައިރު މި މުބާރާތްތަކުން ވަނަތައް ހޯދި ފަރާތްތަކަށް އުރީދޫއިން ވަނީ ޖުމްލަ 185،000 ރުފިޔާގެ ފައިސާ ގެ އިނާމުތައް ލިބިފައެވެ. އެގޮތުން، ރޭސިން ސިމިއުލޭޓަރ ޖީޓީ7 މުބާރާތުން ޗެމްޕިއަންކަން ހޯދި އަޔާން އަހުމަދު ޝާނީޒް، 11،000 ރުފިޔާގެ ފައިސާގެ އިނާމެއް ދީފައިވާއިރު ދެ ވަނަ ހޯދި އަލީ އަޝްހަމް އަބްދުލް ހަމީދުއަށް 8،000 ރުފިޔާގެ ފައިސާގެ އިނާމެއް، އަދި ތިން ވަނަ ހޯދި އަހުމަދު އަލްވިން އައްސިދު ޒާހިރުއަށް 6،000 ރުފިޔާގެ ފައިސާގެ އިނާމެއް ވަނީ ދީފައެވެ،

ޓެކްކެން މުބާރާތުން ވަނަ ހޯދި ފަރާތްތަކުގެ ތެރެއިން ޗެމްޕިއަންކަން ހޯދި އަހުމަދު އަބާނަށް 5،000 ރުފިޔާގެ ފައިސާގެ އިނާމެއް ދީފައިވާއިރު ދެ ވަނަ ހާސިލް ކުރި އަމީލް އިސްމާއީލަށް 3000 ރުފިޔާގެ ފައިސާގެ އިނާމް، ތިން ވަނަ ހާސިލްކުރި އަހްމަދު ޠާބިޝްއަށް 2000 ރުފިޔާގެ ފައިސާގެ އިނާމެއް ވަނީ ދީފައެވެ. އަދި އީއޭއެފްސީ 24 ފުޓްބޯލް ގޭމިން މުބާރާތުން ޓޮޕް ސްކޯރާ އަދި ޗެމްޕިއަންކަން ހޯދި މުހައްމަދު އައިމަން އަހުމަދަށް ޖުމްލަ 25،000 ރުފިޔާގެ ފައިސާގެ އިނާމެއް ދީފައިވާއިރު ދެ ވަނަ ހާސިލްކުރި އަބްޔާން އަލީ ނިހާދަށް 10،000 ރުފިޔާ، ތިން ވަނަ ހާސިލްކުރި މުހައްމަދު ޒަމީލް ޒިހުނީއަށް 5،000 ރުފިޔާގެ ފައިސާގެ އިނާމެއް ވަނީ ދީފައެވެ.

މީގެ އިތުރުން އުރީދޫ ނޭޝަން ޕަބްޖީ މޮބައިލް ޗެމްޕިއަންޝިޕް އިން ޗެމްޕިއަންކަން ހޯދި ޓީމް އީޓޫއެސް ޓީއެމް7 އަށް 50،000 ރުފިޔާގެ ފައިސާގެ އިނާމެއް ދީފައިވާއިރު ދެ ވަނަ ހާސިލް ކުރި ޓީމް އީޓޫއެސް އަކަޓްސުކީއަށް 20،000 ރުފިޔާ، ތިން ވަނަ ހާސިލް ކުރި ޓީމް އާރްޖީސީ ސިންޑިކޭޓަށް 10،000 ރުފިޔާ، ހަތަރު ވަނަ ހާސިލް ކުރި ޓީމް އާރްޖީސީ ޑެނޯއަށް 5،000 ރުފިޔާގެ ފައިސާ އަދި މުޅި މުބާރާތުގެ އެންމެ މޮޅު ކުޅުންތެރިޔާގެ މަގާމު ހޯދި ޓީމް އީޓޫއެސް ޓީއެމް7 ގެ  ހައިޝަމް ވަހީދަށް 1500 ރުފިޔާގެ ފައިސާގެ އިނާމު އުރީދޫއިން ވަނީ ދީފައެވެ.

މި ރަސްމިއްޔާތުގައި ވަނީ އުރީދޫ ނޭޝަން ގޭމާސް އެވޯޑް 2023 ގެ ދަށުން ގޭމިން އެންޑް އީސްޕޯޓްސް ކޮމިއުނިޓީއަށް ހާއްސަ އެވޯޑުތަކެއް ދީފައެވެ. މީގެ ތެރޭގައި ހިމެނެނީ:

އުރީދޫ ނޭޝަން ގޭމާސް އެވޯޑް ގެ އެންމެ ޝަރަފުވެރި އިނާމު ހަވާލުކޮށްދެއްވީ ޝަރަފުވެރި މެހެމާނު، އޮލިމްޕިކް ކޮމިޓީގެ ސެކްރެޓަރީ ޖެނެރަލް ތަމޫހު އަހުމަދު ސައީދާއި އުރީދޫ މޯލްޑިވްސްގެ ޗީފް ކޮމާޝަލް އޮފިސަރު ހުސައިން ނިޔާޒެވެ. މި އެވޯޑް ތަކުގެ ތެރޭގައި ހިމެނެނީ:

މިއަހަރުގެ އުރީދޫ ނޭޝަން ގޭމާސް ލޭންޑް އެވޯޑަކީ ރާއްޖޭގައި ކުރިއަރަމުން އަންނަ ގޭމިން ކޮމިއުނިޓީ އާއި ގޭމް ކުޅޭ ފަރާތްތަކާއި ޓީމްތަކާއި އީސްޕޯޓްސް ޖަމިއްޔާތަކުގެ އަހައްމިއްޔަތުކަން ދައްކުވައިދޭ އެވޯޑެއް ކަމަށް އުރީދޫއިން ބުންޏެވެ. އުރީދޫ ނޭޝަނުން ގޭމިންއަށް ޝައުގުވެރިވާ ފަރާތްތަކަށް އެހީތެރިކަން ފޯރުކޮށްދީ ގުޅާލުމުގައި ދެމިއޮންނާނެ ކަމަށާއި، ކުރިއަށް އޮތްތަނުގައި ވެސް އިތުރު ހިތްގައިމު ގޭމިން ފުރުސަތުތައް ތަނަވަސްކޮށްދޭނެ ކަމަށް އެ ކުންފުނިން ބުންޏެވެ.