އެޗްއާރްސީއެމްގެ މެމްބަރުކަމަށް ކުރިމަތިލާން އަނެއްކާވެސް ހުޅުވާލައިފި
22 އޮކްޓޯބަރު 2023 | އާދީއްތަ 01:07މެމްބަރުކަަމަށް ކުރިމަތިލުމުގެ ފުރުސަތު އަންނަ އޮކްޓޯބަރު 26 ވާ ބުރާސްފަތި ދުވަހުގެ ހެނދުނު 09:30 އިން މެންދުރުފަހު 12:30 އަށް ވަނީ ހުޅުވާލައިފަ
އެޗްއާރްސީއެމްގެ ބައެއް މެމްބަރުން
ރާއްޖޭގެ ހިއުމަން ރައިޓްސް ކޮމިޝަން (އެޗްއާރުސީއެމް) ގެ މެމްބަރު ކަމަށް ކުރިމަތިލުމުގެ ފުރުސަތު އަނެއްކާ ވެސް ހުޅުވާލައިފިއެވެ.
އެޗްއާރުސީއެމްގެ މެމްބަރުކަމަށް ކުރިމަތިލުމަށް ފުރުސަތު ހުޅުވާލީ އެ ކޮމިޝަނުގެ ނައިބު ރައީސް ޑރ. އަހުމަދު އަދުހަމް އަބްދުالله އިސްތިއުފާ ދެއްވުމުން އެ މަޤާމު ހުސްވެފައި ވާތީއެވެ. މީގެ ކުރިން ވެސް މެމްބަރުކަމަށް ކުރިމަތިލާން ފުރުސަތު ހުޅުވާލިއެވެ.
ނަމަވެސް އެ ފުރުސަތުގައި އެ މަޤާމަށް އެކަށީގެންވާ ވަރަށް މީހުން ކުރިމަތިލާފައި ނުވާތީ އަނެއްކާވެސް އެ ފުރުސަތު ހުޅުވާލީއެވެ.
މެމްބަރުކަަމަށް ކުރިމަތިލުމުގެ ފުރުސަތު އަންނަ އޮކްޓޯބަރު 26 ވާ ބުރާސްފަތި ދުވަހުގެ ހެނދުނު 09:30 އިން މެންދުރުފަހު 12:30 އަށް ވަނީ ހުޅުވާލާފައެވެ.
އަދި އެކަމަށް ބޭނުންވާ ފޯމު ރައީސް އޮފީހުގެ ވެބްސައިޓުން ޑައުންލޯޑު ކުރެވޭނެ އެވެ.
އަދުހަމް އިސްތިއުފާ ދެއްވުމުން އެޗްއާރްސީއެމްގައި މިހާރު ތިއްބެވީ ހަތަރު މެންބަރުންނެވެ. އޭގެ ތެރޭގައި ހިމެނެނީ ރައީސް މަރިޔަމް މުނާ އާއި މެންބަރު މުއުމިނާ ވަހީދު، މެންބަރު އާމިނަތު ޝިފާއަތު އަބްދުއްރައްޒާގު އަދި މެންބަރު ސަމާއު އަހުމަދު ނަޖީބެވެ.
