އެހީ ހިފައިގެންދާ 2 ޓްރަކް ޣައްޒާ އަށް ވަންނަން ތައްޔާރަށް އޮތް ކަމަށް މިސްރުގެ އޮފިޝަލުން ބުނެފި
ވޭތުވެދިޔަ 24 ގަޑި އިރު ތެރޭގައި އެކަނިވެސް 352 މީހަކު ވަނީ ޝަހީދުކޮށްލާފަ
ރަފަހް ބޯޑަރު - ބޯޑަރު ހުރަސްކޮށް އެހީ ގެންދިއުމުގެ މަސައްކަތް ދަނީ ކުރަމުން
އެހީ ހިފައިގެންދާ 2 ޓްރަކް ޣައްޒާ އަށް ވަންނަން ތައްޔާރަށް އޮތް ކަމަށް މިސްރުގެ އޮފިޝަލުން ބުނެފިއެވެ.
އެސޯސިއޭޓެޑް ޕްރެސް ނޫސް އެޖެންސީން ރިޕޯޓްކޮށްފައިވާ ގޮތުގައި މިސްރުގެ އޮފިޝަލަކު ބުނީ ހޮނިހިރު ދުވަހުގެ ވަގުތެއްގައި އިންސާނީ އެހީ ހިފައިގެން ދިޔަ ދެ ޓްރަކް މިސްރާއި ޣައްޒާ ގުޅޭ ބޯޑަރު ހުރަސްކޮށް ވަދެފައިވާ ކަމަށެށެވެ.
މި ހަފްތާގެ ކުރީކޮޅު އިސްރާއީލުން ޣައްޒާއަށް ވަދެވޭނެ ކަމަށް އިސްރާއީލުން އިއުލާން ކުރި ނަމަވެސް، ރަފަހު ބޯޑަރު ބަންދުކޮށްފައިވާއިރު، ބޯޑަރު ހުރަސް ކުރާ ދިމާލާ ކައިރިއަށް އިސްރާއީލުން ބޮން ގޮއްވާލި ކަމަށް ރިޕޯޓްތައް ބުނެއެވެ.
މިސްރުގެ އޮފިޝަލް އެސޯސިއޭޓެޑް ޕްރެސްއާ ވާހަކަ ދެއްކީ މީޑިއާއާ ވާހަކަ ދައްކަން އޭނާއަށް ހުއްދަ ލިބިފައިނުވާތީ ނަން ނުޖެހުމަށް ޝަރުތުކޮށްގެންނެވެ. އދ އިން އަންނަނީ މިހާރުން މިހާރަށް ޣައްޒާފެ ރައްޔިތުންނަށް ބޭނުންވާ އިންސާނީ އެހީ ފޯރުކޮށްދިނުމަށް އިންސާނީ ކޮރިޑޯއެއް ހުޅުވުމަށް ގޮވާލަމުންނެވެ. ނަމަވެސް ޔަހޫދީ ދައުލަތުން އެކަމަށް އެއްބާރުލުން ނުދޭކަމަށް މީޑިއާތަކުން ވަނީ ރިޕޯޓްކޮށްފައެވެ.
އިސްރާއިލް-ފަލަސްތީން ހަނގުރާމައިގެ އެންމެ ފަހުގެ މައުލޫމާތުތަކަށް ބަލާއިރު ޔަހޫދީ ދައުލަތުން ދިން އުދުވަނީ ހަމަލާތަކުގައި މިހާތަނަށް 4137 މީހަކު ވަނީ ޝަހީދުކޮށްލާފައެވެ. މީގެ ތެރެެއިން 70 އިންސައްތަ މީހުންނަކީ އަންހެނުންނާއި ކުޑަކުދިންނެވެ. ވޭތުވެދިޔަ 24 ގަޑި އިރު ތެރޭގައި އެކަނިވެސް 352 މީހަކު ވަނީ ޝަހީދުކޮށްލާފައެވެ.
