ގއ.ކޮލަމާފުށި "ރާސްތާ" ދޯނިން، ދީލަތި އެހީއެއް ފަލަސްތީނުގެ ރައްޔިތުންނަށް ވެދީފި

ގއ.ކޮލަމާފުށި "ރާސްތާ" ދޯނިން ދީލަތި އެހީއެއް ފަލަސްތީނުގެ ރައްޔިތުންނަށް ވެދީފިއެވެ.

ގއ.ކޮލަމާފުށި "ރާސްތާ" ދޯނިން ފަލަސްތީނުގެ ރައްޔިތުންނަށް އެހީވުމުގެ ގޮތުން 127،433ރ ހަދިޔާކޮށްފިއެވެ.

"ރާސްތާ" ދޯނިން ފަލަސްތީނުގެ ރައްޔިތުންނަށް ހަދިޔާކޮށްފައިވަނީ، ބުރާސްފަތި ދުވަހު އެ ދޯނިން ބޭނި ހަތް ޓަނު މަހަށް ވާ ފައިސާއެވެ.

މި ފައިސާ މިހާރު ވަނީ ކޮލަމާފުށި ކައުންސިލް އާއި ހަވާލުކޮށްފައެވެ.

މީގެއިތުރުން، މިދިޔަ އާދިއްތަ ދުވަހު ގއ. ކަނޑުހުޅުދޫ "ސީހޯސް 3" ދޯނިންވެސް ވަނީ ފަލަސްތީނުގެ ރައްޔިތުންނަށް 50،000ރ ހަދިޔާކޮށްފައެވެ. އެގޮތުން އެ ދޯނިންވެސް ހަދިޔާކޮށްފައިވަނީ އެ ދޯނިން ބޭނި 50 ޓަނުގެ މަހުން ދެ ޓަނުގެ މަހަށްވާ ފައިސާއެވެ.