ޣައްޒާގެ ހޮސްޕިޓަލަށް ދިން ހަމަލާގައި މަރުވި މީހުންގެ އަދަދު 471 އަށް އަރާ
ސްރާއީލުން މި ހަމަލާގެ ޒިންމާ އެއް ނުނަގާ
ހޮސްޕިޓަލަށް ދިން ހަމަލާ އާއި ގުޅިގެން އަޑު އުފުލަނީ
އަލް އަހުލީ އަރަބް ހޮސްޕިޓަލަށް، ޔަހޫދީ ސިފައިން ދިން ހަމަލާގައި ނިޔާވި މީހުންގެ އަދަދު 471 އަށް އަރާކަމަށް ފަލަސްތީނުން ބުނެފިއެވެ.
ޣައްޒާގެ ހޮސްޕިޓަލަށް ދިން ހަމަލާގައި މަރުވި މީހުންގެ އަދަދު އުޅޭނީ 100 އާއި 300 އާއި ދެމެދުކަމަށް އެމެރިކާއިން ވަނީ ބުނެފައެވެ.
މީޑިއާ ރިޕޯޓްތައް ބުނާގޮތުން އެމެރިކާގެ އަންކްލެސިފައިޑް އިންޓެލިޖެސް ރިޕޯޓަކާއި ހަވާލާދީ ރޮއިޓަރސް ނޫހުގައި ބުނެފައި ވަނީ ޣައްޒާގެ ހޮސްޕިޓަލް އަށް ދިން ހަމަލާގައި 100 އާއި 300 އާއި ދެމެދުގެ އަދަދަކަށް މީހުން މަރުވުން އެކަށީގެންވާ ކަމަށެވެ. އަދި އެ އަދަދުތަަކަށް ބަދަލު އައުމަކީ ވެސް އެކަށީގެންވާ ކަމެއް ކަމަށް ވަނީ ބުނެފައެވެ.
އެމެރިކާ އިން މިފަދައިން ބުނި ނަމަވެސް ފަލަސްތީން އޮފިޝަލުން ބުނީ 471 މީހުން ނިޔާވިކަން ޔަގީންކުރެވިފައިވާ ކަމަށެވެ. އިސްރާއީލުން މި ހަމަލާގެ ޒިންމާ އެއް ނުނަގައެވެ. އަދި އެ ހަމަލާ އަކީ ހަމާސް ޖަމާއަތުން ދިން ރޮކެޓް ހަމަލާތަކެއް ފެއިލްވެގެން ހިނގި ހާދިސާއެއްގެ ގޮތުގައި ދަނީ ސިފަކުރަމުންނެވެ.
އިސްރާއީލުގެ އެ ވާހަކަތަކަށް އެމެރިކާއިން ދަނީ ވާގިވެރިވަމުންނެވެ. އަދި އެމެރިކާގެ އިންޓެލިޖެންސް ރިޕޯޓްތަކުގައި ވެސް ވަނީ ހޮސްޕިޓަލަށް ބޮޑެތި ގެއްލުންތަކެއް ނުލިބޭ ކަމަށާއި ޚިދުމަތަށް ބުރޫ ނާރާ ކަމަށް ވެސް ބުނެފައެވެ.
