ފަލަސްތީނުގެ ހަނގުރާމަ ވެރިންނާ ދެކޮޅަށް ދުނިޔޭގެ ގައުމުތަކުން އެއްބައިވަންތަވުމަށް އިޒްރޭލުން ގޮވާލައިފި
17 އޮކްޓޯބަރު 2023 | އަންގާރަ 06:21ހަމާސް އާއި ނާޒީންނާ ޔަހޫދީ ބޮޑުވަޒީރު ވަނީ އެއްވަރުކޮށްފައި
ހައްދުފަހަނަ އަޅާފައިވާ ހަރުކަށި ޔަހޫދީ ބޮޑުވަޒީރު ނަތަންޔާހޫ
"އަހަރެމެންގެ ހަނގުރާމައަކީ ތިޔަބޭފުޅުންގެ ހަނގުރާމަ" މި ޝިއާރުގެ ދަށުން ހަމާސްއާ ދެކޮޅަށް ދުނިޔޭގެ ގައުމުތަކުން އެއްބައިވަންތަވުމަށް އިޒްރޭލުން ގައުމު ތަކަށް ގޮވާލައިފިއެވެ.
އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ވަނީ ޣައްޒާގައި މިނިވަންކަމަށް މަސައްކަތްކުރާ ހަނގުރާމަވެރިންނާއި ފަލަސްތީނުގެ އެހެނިހެން ޖަމާއަތްތަކުން ރަހީނުކޮށްގެން ތިބި މީހުންގެ އަދަދު ހޯމަ ދުވަހުގެ ނިޔަލަށް 199 އަށް އަރާފައިވާ ކަމަށް ވިދާޅުވެ ހަމާސްއާ ދެކޮޅަށް ދުނިޔޭގެ އެއްބާރުލުމަށް އެދިވަޑައިގެންފަ އެވެ.
ހަމާސް ހަލާކުކުރުމަށް މުޅި ދުނިޔެ އެކަތިގަނޑަކަށް ވާން ޖެހޭ،" އިސްރާއީލުގެ ނެސެޓްގައި މިއަދު ވާހަކަ ދައްކަވަމުން ނަތަންޔާހޫ ވިދާޅުވި އެވެ.
"އަހަރެމެންގެ ހަނގުރާމައަކީ ތިޔަބޭފުޅުންގެވެސް ހަނގުރާމަ،" ހަމާސް އާއި ނާޒީންނާ އެއްވަރުކުރައްވަމުން އޭނާ އިއުލާނު ކުރެއްވި އެވެ.
މީގެ އިތުރުން ނަތަންޔާހޫ ވަނީ އުތުރުގައި އިޒްރޭލު "ޓެސްޓް" ނުކުރުމަށް ހިޒްބުالله އާއި އީރާނަށް ގޮވާލައްވާފަ އެވެ. ހަމާސް ޖަމާއަތުން އިސްރާއީލަށް ހަމަލާ ދިނުމާ ގުޅިގެން އިސްރާއީލުގެ ދިފާއީ ބާރު (އައިޑީއެފް) އާއި ލުބުނާނުގެ ހިޒްބުالله އިން ދަނީ ފާއިތުވި ދުވަސްތަކުގައި ބަޑީގެ ހަމަލާތައް ބަދަލު ކުރަމުންނެވެ.
އާދީއްތަ ދުވަހު އިސްރާއީލުގެ އަސްކަރިއްޔާއިން ވަނީ ޣައްޒާއަށް އެއްގަމު މަގުންވެސް ހަމަލާދޭން ފަށަން ތައްޔާރަށް އޮތްކަން އިއުލާނުކޮށްފައެވެ.
އަނެއްކޮޅުން އިސްރާއީލާއި ޣައްޒާގެ ހަމަނުޖެހުންތަކުގައި "ވަގުތުން ހަނގުރާމަ ހުއްޓާލުމަށް" ރަޝިޔާއިން އިލްތިމާސްކުރާކަން ތަކުރާރުކޮށް، މަޝްވަރާތައް ފެށުމަށް އޮފިޝަލުންގެ ކިބައިން ދަނީ އެދެމުންނެވެ.
"މި މާހައުލުގައި މިހާރު އޮތް މައިގަނޑު ކަމަކީ ވަގުތުން ހަނގުރާމަ ހުއްޓާލައި ސިޔާސީ ގޮތުން ހައްލު ހޯދުމުގެ މަސައްކަތް ފެށުން،" ކްރެމްލިންގެ އެހީތެރިޔާ ޔޫރީ އުޝާކޯވް އާ ހަވާލާދީ އިންޓަފެކްސް ނިއުސް އެޖެންސީން ބުނެފައިވެ އެވެ.
