ޕާސްޕޯޓުގެ ގަވާއިދަށް ބަދަލު ގެނެސްފި
16 އޮކްޓޯބަރު 2023 | ހޯމަ 10:25ޕާސްޕޯޓު ގެއްލިގެން ނުވަތަ ހަލާކުވެގެން ނަގާ ޖޫރިމަނާއަކީ ގިނަވެގެން 2000 ރުފިޔާކަމުގައި ވަނީ ނިންމާފައި
ޝަބާ ޔޫސުފް | 16 އޮކްޓޯބަރު 2023 | ހޯމަ 10:25
ޕާސްޕޯޓް
ޕާސްޕޯޓުގެ ގަވާއިދަށް ބަދަލު ގެނެސްފިއެވެ.
ހޯމަ ދުވަހު މޯލްޑިވްސް އިމިގްރޭޝަނުން ވަނީ ޕާސްޕޯޓުގެ ގަވާއިދަށް ގެނެވުނު ބައެއް ބަދަލުތައް ހިއްސާކޮށްފައެވެ.
އެގޮތުން، ކޮންމެ ވައްތަރެއްގެ ޕާސްޕޯޓެއްކަމުގައި ވީނަމަވެސް، ޕާސްޕޯޓު ގެއްލިގެން ނުވަތަ ހަލާކުވެގެން ނަގާ ޖޫރިމަނާއަކީ ގިނަވެގެން 2000 ރުފިޔާކަމުގައި ވަނީ ނިންމާފައެވެ. އަދި މުއްދަތު ހަމަވެފައިވާ ޕާސްޕޯޓެއް ގެއްލުނުކަމުގައި ވާނަމަ ޖޫރިމަނާއެއް ނުނަގާނެއެވެ. އަދި ޕޮލިސް ރިޕޯޓެއް ބޭނުމެއްނުވާނެވެ.
މީގެއިތުރުން، ޕާސްޕޯޓުގެ މުއްދަތު ހަމަވުމަށް 1 އަހަރަށްވުރެ ކުރު މުއްދަތެއް ވާނަމަ، އިތުރު ކެންސަލޭޝަން ފީއަކާނުލައި ޕާސްޕޯޓު އައުކުރެވޭނެ ކަމަށްވެސް އިމިގްރޭޝަނުން ވަނީ ބުނެފައެވެ.
