" އިނގިރޭސިވިލާތުގައި ޖިންސީ ގޯނާގެ މައްސަލަ އެއްގައި ދިވެއްސަކަށް ޙުކުމް ކުރި ކަމަށް ބުނެ ފެތުރެނީ ދޮގެއް " : އިމިގްރޭޝަން
7 އޯގަސްޓު 2025 | ބުރާސްފަތި 14:36އެ މައްސަލައިގައި ހިމެނޭ މީހާ އަކީ ދިވެއްސެއް ކަމަށް ރެކޯޑްކުރެވިފައި ނެތްކަން އެ އިދާރާއިން ހާމަކޮށްފައިވޭ
އިމިގްރޭޝަނުން ބިދޭސީ އެއްގެ މައުލޫމާތު ޗެކްކުރަނީ | އިމިގްރޭޝަން
އިނގިރޭސިވިލާތުގައި ދިވެއްސަކައި މެދު ޖިންސީގޯނާގެ މައްސަލަ އެއްގައި ޙުކުމް ކުރި ކަމަށް ބުނެ ފެތުރެނީ ދޮގު މައުލޫމާތެއްކަން މޯލްޑިވްސް އިމިގްރޭޝަނުން ހާމަކޮށްފިއެވެ.
އިމިގްރޭޝަނުން ބުރާސްފަތި ދުވަހު އާއްމުކުރި ބަޔާނެއްގައި ބުނެފައި ވަނީ އިނގިރޭސިވިލާތުގެ ކޯޓަކުން ހުކުމް ކޮށްފައިވާ "ސުންދަރަލިންގަމް ކޫޑަލިންގަމް" ކިޔާ މީހާ އަކީ ދިވެއްސެއް ކަަމަށް ދޭހަވާ ގޮތަށް ބައެއް މީޑިއާތަކުން ރިޕޯޓްކޮށްފައިވާ ކަމަށެވެ.
ނަމަވެސް އެ މައްސަލައިގައި ހިމެނޭ މީހާ އަކީ ދިވެއްސެއް ކަމަށް ރެކޯޑްކުރެވިފައި ނެތްކަން އެ އިދާރާއިން ހާމަކޮށްފައިވެއެވެ. ވީމާ މިފަދަ މައްސަލަތަކުގައި ސައްހަ ނޫން މައުލޫމާތު ނުވަތަ ފަރުވާލެއް ނެތި ކަމެއް އޮޅިގެން ހިގައިދާނެ ފަދަ މައުލޫމާތު ނުފެތުރުމަށް ވަނީ އިލްތިމާސްކޮށްފައެވެ. އެ މައްސަލައިގައި ހުުކުމްކޮށްފައި ވަނީ ލަންޑަނުގެ ކޯޓަކުންނެވެ.
