މަކަރާއި ހީލަތުން ފައިސާ ހޯދާފައިވާ މައްސަލައެއްގެ ތަހުގީގަށް ބަންގްލަދޭޝް މީހެއް ހޯދަނީ
15 އޮކްޓޯބަރު 2023 | އާދީއްތަ 08:38ފުލުހުން ހޯދަން އިއުލާން ކޮށްފައިވަނީ 29 އަހަރުގެ ބަންގްލަދޭޝް އެމްޑީ އާރިފް ހޮސެން
ފުލުހުން ހޯދަމުންދާ ބަންގްލަދޭޝް އެމްޑީ އާރިފް ހޮސެން
މަކަރާއި ހީލަތުން މީހެއްގެ އަތުން ފައިސާ ހޯދާފައިވާ މައްސަލައެއްގެ ތަހުގީގަށް ބަންގްލަދޭޝް މީހެއް ހޯދަން ފުލުހުން އިއުލާންކޮށްފިއެވެ.
ފުލުހުން ބުނީ، ވ. ފެލިދޫ ޕޮލިސް ސްޓޭޝަނުން ބަލަމުންދާ މަކަރާއި ހީލަތުން މީހެއްގެ އަތުން ފައިސާ ހޯދާފައިވާ މައްސަލައެއްގެ ތަހުގީގަށް މީހަކު ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ތަހުގީގަށް ހާޒިރުވުމަށް އަންގައި އިއުލާންކުރާނެ ކަމަށެވެ.
ފުލުހުން ހޯދަން އިއުލާން ކޮށްފައިވަނީ 29 އަހަރުގެ ބަންގްލަދޭޝް އެމްޑީ އާރިފް ހޮސެން އެވެ.
ފުލުހުންގެ ތަހުގީގަށް އޭނާ ހާޒިރުވާން ޖެހެނީ ޝަހީދު ހުސައިން އާދަމް ބިލްޑިންގ ނުވަތަ އެންމެ ކައިރީގައިވާ ޕޮލިސް ސްޓޭޝަނަކަށެވެ. އަދި 25 އޮކްޓޫބަރު 2023 ވަނަ ދުވަހުގެ މެންދުރު 2:00ގެ ކުރިން އެ މީހާ ހާޒިރުވާންޖެހޭ ކަމަށް ފުލުހުން ބުނެއެވެ.
