ޣައްޒާގެ ބޭކަރީތަކުން ޕާން ހުސްވެ، ފެނުގެ ރިޒަރވް ދަށަށް ދަނީ
ރޮއިޓަރސް އިން ބުނެފައި ވަނީ ޣައްޒާފައި ކަރަންޓާއި ފެނާއި ކާބޯތަކެތީގެ ހާލަތު ވަރަށް ނާޒުކު ފައްތަރަކަށް ވެއްޓިފައިވާ ކަަމަށް
ޣައްޒާ
ޣައްޒާގެ ބޭކަރީތަކުން ޕާން ހުސްވެ، ފެނުގެ ރިޒަރވް ދަށަށް ދާ ކަމަށް މީޑިއާ ރިޕޯޓްތައް ބުނެފިއެވެ.
ރޮއިޓަރސް އިން ބުނެފައި ވަނީ ޣައްޒާފައި ކަރަންޓާއި ފެނާއި ކާބޯތަކެތީގެ ހާލަތު ވަރަށް ނާޒުކު ފައްތަރަކަށް ވެއްޓިފައިވާ ކަަމަށެވެ. އަދި އެތައް ހާސް ބަޔަކު ޣައްޒާގެ ދެކުނަށް ދަތުރުކުރަމުންދާ ކަމަށް ވަނީ ބުނެފައެެވެ.
އިސްރާއީލުން ވަނީ ސަލާމަތް ބޭނުންވާ ކަމަށް ވާނަމަ ޣައްޒާގެ ދެކުނަށް ދާން 24 ގަޑި އިރުގެ މުހުލަތެއް ދީފައެވެ. އެ މުހުލަތު މިހާރު ފާއިތުވެއްޖެއެވެ. ރޮއިޓަރސްގައި އިތުރަށް ބުނެފައި ވަނީ ކަރަންޓް ކެނޑުމުގެ ސަބަބުން ފޯނުތައް ޗާޖު ނުވެ ސަލާމަތީ ސަރަހައްދުތަކަށް ދާން މަސައްކަތް ކުރަމުންދާ މީހުންނާއި އާއިލާތަކަށް ނުގުޅުމުގެ ކަންބޮޑުވުމާއި ވެސް ކުރިމަތިލާން ޖެހިފައިވާ ކަމަށެވެ. މީގެ އިތުރުން ޣައްޒާގެ ދެކުނަށް ގިނަ އަދަދެއްގެ ބަޔަކު ދަތުރުކުރަމުންދިއުމާއި އެކު އެ ސަރަހައްދުގެ ވަސީލަތްތައް ވެސް ވަނީ މަދުވެފައެވެ.
އިސްރާއީލުން ދަނީ އެހީދޭ ޖަމާއަތްތަކަށް ވެސް ހުރަސް އަޅަމުންނެވެ. ކާބޯތަކެތި ފޯރުކޮށްދިނުން އެއްކޮށް މެދުކަނޑުވާލުމުގެ އިތުރުން ޣައްޒާ އިންވަނީ ކަރަންޓު ކަނޑާލާފަ ކަން ފާހަގަ ކޮށްލެވެއެވެ. އިސްރާއީލާއި ޣައްޒާ އާއި ދެމެދު ހަމަލާ ބަދަލުކުރާތާ ހަފްތާއެއްވި އިރު ގިނަ ފިހާރަތަކުން ތަކެތި ހުސްވާން ވަނީ ފަށާފައެވެ. ބިހާއި، ހަނޑޫ، ދަޅު ކާނާ އަދި ކިރު ފަދަ ތަކެތި ވެސް ލިބުން ވަނީ އިންތިހާ އަށް ދަތިވެފައެވެ.
