އިޒްރޭލުގައި މިވަގުތު މެޗެއް ނުކުޅެވޭނެ: ފީފާ
މި މަހުގެ 15 ވަނަ ދުވަހު ކުޅެންޖެހޭ މެޗާމެދު ގޮތެއް ނިންމާނީ ހާލަތަށް ބެލުމަށްފަހު
ފީފާގެ މައި އިދާރާ
ހަނގުރާމައިގެ ހާލަތު އޮތުމުން އިޒްރޭލުގައި މިވަގުތު ފީފާއިން އިންތިޒާމްކުރާ އެއްވެސް މެޗެއް ނުކުޅޭނެ ކަމަށް ދުނިޔޭގެ ފުޓްބޯޅަ ޖަމިއްޔާއިން ބުނެފި އެވެ.
އިޒްރޭލުން ވަނީ މީގެ ދެ ދުވަސް ކުރިން ފަލަސްތީނުގެ ޣައްޒާގައި ހަނގުރާމައިގެ ހާލަތު އިއުލާނުކޮށްފަ އެވެ. އަދި ފަލަސްތީނުގެ މުޖާހިދުންނާއި އިޒްރޭލާ ދެމެދު ދަނީ ހަމަލާތައް ބަދަލުކުރަމުންނެވެ.
ފީފާއިން ބުނީ މާދަމާ ޔޫރަޕިއަން ޗެމްޕިއަންޝިޕުގައި ސްވިޒަލޭންޑާ ދެކޮޅަށް ކުޅޭ މެޗު ފަސްކޮށްފައިވާ ކަމަށެވެ. އަދި މި މަހުގެ 15 ވަނަ ދުވަހު ކޮސޯވޯއާ ދެކޮޅަށް އިޒްރޭލް ކުޅެންޖެހޭ މެޗާމެދު ގޮތެއް ނިންމާނީ ހާލަތަށް ބެލުމަށްފަހު ކަމަށެވެ.
"ޔޫއޭފާއިން މިދަނީ ވަރަށް ގާތުން ކަންކަން ބަލަމުން. އަހަރުމެން ގޮތެއް ނިންމާނީ ކަންކަން ކުރިއަށްދާ ގޮތް ވަރަށް ގާތުން ބެލުމަށްފަހު. މިވަގުތު އެއްވެސް މެޗެއް ނުކުޅޭގޮތަށް ހަމަޖެހިފައިވަނީ،" ޔޫއޭފާގެ ބަޔާނުގައިވެ އެވެ.
