ރޭޕްގެ ޝިކާރައަކަށްވި 18 އަހަރުނުވާ ކުއްޖެއް ބަލިވެ އިން މައްސަލައެއް ތަހުގީގު ކުރަނީ
މިމައްސަލަ ރިޕޯޓުކޮށްފައިވަނީ މިމަހުގެ 6 ވީ ހުކުރު ދުވަހު
އަންހެނުންނަށް ކުރާ ޖިންސީ ގޯނާއާއި، ދެކޮޅަށް ކުރަމުންދާ މުޒާހަރާގެ ތެރެއިން
ދެކުނުގެ ރަށެއްގައި ރޭޕްގެ ޝިކާރައަކަށްވި 18 އަހަރުނުވާ ކުއްޖެއް ބަލިވެ އިން މައްސަލައެއް ތަހުގީގު ކުރަން ފަށައިފިއެވެ.
ފުލުހުން ބުނީ ގއ. ގދ. އަތޮޅުގެ އިތުރުން އައްޑޫ އަދި ފުވައްމުލައް ހިމެނޭހެން ދެކުނަށް ނިސްބަތްވާ އަތޮޅުގެ ރަށެއްގައި ކުޑަ ކުއްޖަކު ބަލިވެ އިން މައްސަލައެއް ތަހުގީގު ކުރަމުންދާ ކަމަށާއި، މިމައްސަލަ ރިޕޯޓުކޮށްފައިވަނީ މިމަހުގެ 6 ވީ ހުކުރު ދުވަހު ކަމަށެވެ.
ކުޑަ ކުއްޖަކާ ގުޅުންހުރި މައްސަލައަކަށްވާތީ އިތުރު މައުލޫމާތެއް ފުލުހުން ހިއްސާކޮށްފައިނުވެއެވެ.
ފުލުހުންގެ ތަފާސްހިސާބުތަކަށް ބަލާއިރު، މިއަހަރުގެ މިހާތަނަށް ޖިންސީ ގޯނާގެ 220 މައްސަލަަ ރިޕޯޓުކޮށްފައިވެއެވެ. އަދި އޯގަސްޓު މަހު އެކަނި ވެސް ކުޑަކުދިންނާއި ގުޅުންހުރި 96 މައްސަލަ ޖެންޑާ މިނިސްޓްރީއަށް ހުށަހަޅާފައިވެއެވެ. މީގެ ތެރެއިން 18 މައްސަލައަކީ ޖިންސީ އަނިޔާގެ މައްސަލަތަކެވެ.
