100 މިލިއަން ހަރަދުކޮށް، ރެލިގޭޓްވާތީވެ އެޑްވައިޒަރަކަށް ވެންހާލް
އަޔެކްސް މި ވަގުތު އޮތީ 18 ޓީމު ވާދަކުރާ ލީގުގެ 15 ވަނާގައި
އަޔެކްސްގެ ކުރީގެ ކޯޗު ވެންހާލް
ނެދަލޭންޑްސްގެ އަޔެލްސްއިން މި ސީޒަނަށް 100 މިލިއަން ޑޮލަރު ހަރަދު ކުރި ނަމަވެސް ރެލިގޭޓްވެދާނެ ކަމުގެ ބިރު ހީވުމުން ކުރީގެ ކޯޗު ލުއިސް ވެންހާލް އެޑްވައިޒަރަކަށް ހަމަޖައްސައިފި އެވެ.
ނެދަލޭންޑްސްގެ އެންމެ ކާމިޔާބު އެއް ކުލަބު ކަމަށްވާ އަޔެކްސް މި ވަގުތު އޮތީ 18 ޓީމު ވާދަކުރާ ލީގުގެ 15 ވަނާގަ އެވެ. ލިބިފައިވަނީ 5 ޕޮއިންޓެވެ. މިއީ އެއްވަނާގައިވާ ޕީއެސްވީއަށްވުރެ 16 ޕޮއިންޓް މަދު އަދަދެކެވެ. އަދި މިއީ ޓޭބަލުގެ ފުލުގައި އޮތް ވޮލެންޑަމަށްވުރެ ހަތަރު ޕޮއިންޓް ގިނަ އަދަދެކެވެ.
އުމުރުން 73 އަހަރުގެ ވެންހާލް އެޑްވައިޒަރަކަށް ގެނައީ ޓީމު ބައްޓަންކުރަން މި ސީޒަނުގައި ހަރަކާތްތެރިވި ބައެއް މީހުން މަގާމުން ވަކިކުރުމަށްފަހު އެވެ.
ވެންހާލް އަކީ ނެދަލޭންޑްސްގެ ގައުމީ ކޯޗުކަން ތިން ފަހަރު ކޮށްފައިވާ ތަޖުރިބާކާރެކެވެ. އޭނާ އަދި ވަނީ ޔޫރަޕުގެ ވަރުގަދަ ކުލަބުތައް ކަމަށްވާ ބާސެލޯނާ އާއި ބަޔާން މިއުނިކް އަދި މެންޗެސްޓާ ޔުނައިޓެޑް ފަދަ ކުލަބުތަކަށް ކޯޗުކޮށްދީފަ އެވެ.
