މާޒިޔާމޮޅު، ކޮންމެ މެޗަކީ ފައިނަލެއް: ބޯހަން ބަގާން ކޯޗު

އޭއެފްސީ ކަޕުގައި މިރޭ ރާއްޖޭގެ މާޒިޔާއާ ދެކޮޅަށް ނުކުންނައިރު އެއީ މޮޅު ޓީމެއް ކަމަށާއި މުބާރާތުގެ ކޮންމެ މެޗަކީ ވެސް ފައިނަލެއް ކަމަށް އިންޑިޔާގެ މޯހަން ބަގާނުން ބުނެފި އެވެ.

އިންޑިޔާގެ އެންމެ ވަރުގަދަ އެއް ކުލަބު ކަމަށްވާ މޯހަން ބަގާންގެ އަމިއްލަ ދަނޑު ކަމަށްވާ ކަލްކަތާގެ ސޯލްޓް ލޭކް ސްޓޭޑިއަމުގައި މިރޭ ހަތެއް ޖަހާއިރު ކުޅޭ މެޗާ ބެހޭ ގޮތުން ކޯޗު ހުއާން ފެރާންޑޯ ބުނީ އެންމެ މުހިންމު އަމިއްލަ ގޭމް ކުޅެން ވިސްނުން ކަމަށެވެ.

އޭނާ އަދި ބުނީ ރާއްޖޭގެ ގައުމީ ޓީމުގެ ފުރަތަމަ 11 އާއި ބެންޗުގެ ވެސް މުހިންމު ކުޅުންތެރިނާއެކު ބިދޭސީ ހަ ކުޅުންތެރިން ވެސް ތިބި މާޒިޔާ އަކީ މޮޅު ކުޅުންތެރިން ގިނަ ޓީމެއް ކަމަށެވެ.

ފުރަތަމަ ފަހަރަށް އޭއެފްސީ ކަޕުގެ ދެ ވަނަ ބުރަށް ދިއުމަށް މަސައްކަތް ކުރާ މާޒިޔާ ވަނީ މި ފަހަރުގެ މުބާރާތް ވަރަށް ރަނގަޅަށް ފަށައިފަ އެވެ. އެއީ ބަނގްލަދޭޝްގެ ޗެމްޕިއަން ބަޝުންދުރާ ކިންގް އަމިއްލަ ދަނޑުގައި 3-1އިން ބަލިކޮށްގެންނެވެ. ހަމަ މިފަދައިން މޯހަން ބަގާން ވެސް ވަނީ މި ގްރޫޕުގައި ހިމެނޭ އިންޑިޔާގެ އޮޑިއްސާ ބަލިކޮށްފަ އެވެ. މުބާރާތުގެ ދެ ވަނަ ބުރަށްދާނީ މި ގްރޫޕުން އެއްވަނަ ހޯދާ ދެ ޓީމެކެވެ.