ރައީސުލްޖުމްހޫރިއްޔާ އިބްރާހީމް މުހައްމަދު ސާލިހަށް ކުރީގެ ރައީސް މައުމޫން އަބްދުލް ގައްޔޫމް ތައުރީފް ކުރައްވައިފިއެވެ.
އާދިއްތަ ދުވަހު ޓްވިޓަރގައި ހިއްސާކުރެއްވި މެސެޖެއްގައި މައުމޫން ވަނީ، ރައީސް ސާލިހު ވަނީ އެމަނިކުފާނުގެ ވަޒީފާ ނުވަތަ މަސްއޫލިއްޔަތު ރަނގަޅަށް އަދާކުރައްވާފައި ކަމަށް ވިދާޅުވެފައެވެ.
ހޮނިހިރު ދުވަހު ބޭއްވި ރިޔާސީ އިންތިޚާބުގެ ދެވަނަ ބުރު، މާލެ ސިޓީގެ މޭޔަރު އަދި ޕީއެންސީގެ ކެންޑިޑޭޓް ޑރ. މުހައްމަދު މުއިއްޒު ކާމިޔާބުކުރެއްވީ 129159 ވޯޓުންނެވެ. އަދި ރައީސް ސާލިހަށް ލިބިވަޑައިގަތީ 109868 ވޯޓެވެ. ރިޔާސީ އިންތިޚާބުގެ ފުރަތަމަ ބުރުގައިވެސް ކުރި ހޯއްދެވީ މުއިއްޒުއެވެ.
ކުރީގެ ރައީސް މައުމޫން ވަނީ އިންތިޚާބުގައި މުއިއްޒު ހޯއްދެވި ކާމިޔާބީއަށްޓަކައި މަރުހަބާ ވިދާޅުވެފައެވެ.
