އަންނަ އަހަރުން ފެށިގެން ނަގްރްނޯ-ކަރަބާކް ވަކި ދައުލަތެއްގެ ގޮތުގައެއް ނޯންނާނެ

އަންނަ އަހަރުން ފެށިގެން ނަގޯރްނޯ-ކަރަބާކް ވަކި ދައުލަތެއްގެ ގޮތުގައި ނޯންނާނެ ކަމަށް، ރައީސް ސަމްވެލް ޝަހުރަމަނިއަން އިއުލާން ކުރައްވައިފިއެވެ.

ނަގޯރްނޯ-ކަރަބާކްގައި އަމިއްލައަށް ވަކިވެގަތުމަށް އިއުލާންކުރި ދައުލަތުގެ ރައީސް ސަމްވެލް ޝަހުރަމަނިއަން ވަނީ އަޒަރުބައިޖާނުން ބަލިވުމާ ގުޅިގެން, 2024 ވަނަ އަހަރުގެ ޖެނުއަރީ މަހުގެ ފުރަތަމަ ދުވަހުން ފެށިގެން ދައުލަތުގެ ހުރިހާ މުއައްސަސާތަކެއް އުވާލުމަށް ބުރާސްފަތި ދުވަހު އަމުރެއްގައި ސޮއިކޮށްފައެވެ.

ރައީސް ސަމްވެލް ޝަހްރަމަނިއަންގެ ގަރާރުގައި ވަނީ، ބައިނަލްއަގްވާމީ ގޮތުން ބަލައިނުގަންނަ ރިޕަބްލިކް އޮފް އާޓްސާކްގެ ހުރިހާ މުއައްސަސާތަކާއި ޖަމިއްޔާތައް އަންނަ އަހަރު ފެށޭއިރު އުވާލުމަށެވެ.

ޝަހުރަމަނިއަން ވިދާޅުވީ އެ ނިންމުން ނިންމާފައިވަނީ މިހާރު ދިމާވެފައިވާ ދަތި އަސްކަރީ-ސިޔާސީ ހާލަތުގެ ސަބަބުންކަމަށެވެ.

ކުރު މުއްދަތެއްގެ އަސްކަރީ ހަމަލާއަކަށްފަހު މިދިޔަ ހަފުތާގައި އަޒަރުބައިޖާނުން ހޯދި ކާމިޔާބީއާއެކު ނަގޯރްނޯ ކަރަބާކްގައި ދިރިއުޅޭ ނަސްލީ އަރްމީނިއާ މީހުން ވަރަށް ބޮޑަށް ވަކިވެ، ދިގު ޒަމާންތަކެއް ވަންދެން ހިނގި ހަމަނުޖެހުންތައްވަނީ ނިމިފައެވެ.

އަޒަރުބައިޖާންގެ ކެމްޕޭން 24 ގަޑިއިރު ދެމިގެން ދިޔައިރު، ރަޝިޔާގެ ބްރޯކަރެއްގެ ދަށުން ހަނގުރާމަ ހުއްޓާލުމަށް ދެ ފަރާތުން އެއްބަސްވެ، ކަރަބާކްގެ ހަތިޔާރު އެޅި ސިފައިން އުވާލިއެވެ. އެހެންނަމަވެސް، އަޒަރުބައިޖާނުގެ ރިޔާސަތުން އާޓްސާކް ސަރުކާރުވެސް އުވާލުމަށް ބާރުއަޅައި، އެކަން ނުކޮށްފިނަމަ، އެ ހަމަލާ ނިމެންދެން ކުރިއަށްދާނެ ކަމުގެ އިންޒާރު ވަނީ ދީފައެވެ.

އެ ގަރާރުގައި އަޒަރުބައިޖާނަށް ގޮވާލާފައި ވަނީ ލަޗިން ކޮރިޑޯ މެދުވެރިކޮށް ހަތިޔާރު ބެހެއްޓި ހަނގުރާމަވެރިން ހިމެނޭ ގޮތަށް ނަގޯރްނޯ-ކަރަބާކްގެ އާބާދީ މިނިވަންކަމާއެކު، އެއްވެސް ހުރަހެއް ނެތި، ފާއިތުވަމުންދާ ގޮތް ބެލުމަށެވެ.

ނަގޯރްނޯ-ކަރަބާކްގެ އާބާދީގެ ދެބައިކުޅަ އެއްބައި މީހުން ފާއިތުވި ހަފުތާގައި އަރްމީނިއާއަށް ފިލައިގެން ގޮސްފައިވަނީ، އަޒަރުބައިޖާނުން ލަޗިން ކޯރިޑޯ އެންކްލޭވްއާއި އަރްމީނިއާ ގުޅުވާލާ ހަމައެކަނި މަގުގެ ބްލޮކޭޑް އުވާލުމުންނެވެ.