ކުޅުމުގެ ތެރެއަށް އަންނަން މަދުވެގެން އަށް މަސް ނަގާނެ- ކީޕަރު ފައިސަލް
25 ސެޕްޓެމްބަރު 2023 | ހޯމަ 14:34އޮޕަރޭޝަން ކުރީ ކޮޗިންގައި
ކީޕަރު ފައިސަލް އޮޕަރޭޝަންކޮށްގެން ހޮސްޕިޓަލްގައި
އަލުން ކުޅުމުގެ ތެރެއަށް އަންނަން މަދުވެގެން އަސް މަސްދުވަސް ނަގާނެކަމަށް ޤައުމީ ޓީމްގެ ކީޕަރު މުހައްމަދު ފައިސަލް ބުނެފިއެވެ.
މިސީޒަންގައި ކަކުލަށް ލިބުނު ސީރިއަސް އަނިޔާއިން ސަލާމަތްވުމަށް އިންޑިޔާގެ ކޮޗިންގައި އޮޕަރޭޝަން ކޮށްފައިވާ ފައިސަލް ބުނީ އަލުން ދަނޑަށް ނިކުންނަން އަށެއް ނޫނީ ނުވަ މަސް ވަރު ނަގާނެ ކަމަށެވެ. އެހެންނަމަވެސް މިމަހުގެ 27 ވަނަ ދުވަހު މާލެ އަންނާނެކަމަށް އޭނާ ބުންޏެވެ. މިސިޒަންގައި މާޒިޔާއަށް ބަދަލުވި ފައިސަލްގެ ކަކުލަށް އަނިޔާވީ ޖުލައި މަހު ލީގުގައި ވެލެންސިޔާއާ ދެކޮޅަށް ނިކުންނަން ތައްޔާރުވަނިކޮށް, ވޯމް-އަޕް ގައެވެ.
ފައިސަލް މީގެކުރިންވެސް ކަކުލަށް އަނިޔާވެ, އޮޕަރޭޝަން ކުރިއެވެ. ނަމަވެސް އެނބުރި އައިސް މޮޅަށްކުޅެ ސާފް ޗެމްޕިއަންޝިޕްގެ ތަށިވެސް ހޯދިއެވެ. އެމުބާރާތުގެ މޮޅުކުޅުންތެރިއަކީވެސް އޭނާއެވެ. ފައިސަލް ނެތުމުން މާޒިޔާގެ ގޯލް ބަލަހައްޓަނީ ގައުމީ ޓީމްގެ ދެވަނަ ކީޕަރު ހުސައިން ޝަރީފެވެ. ގައުމީ ޓީމްގެ ގޯލްވެސް މިހާރު ބަލަަހައްޓަނީ އޭނާއެވެ.
