ރޮޑްރީއަށް ރަތްކާޑް، އެކަމަކު ސިޓީ މޮޅު!

މިޑްފީލްޑަރ ރޮޑްރީއަށް ރަތްކާޑް ދެއްކި ނަމަވެސް, ދިހަ ކުޅުންތެރިންނާއެކު ކުޅެ މެންޗެސްޓަރ ސިޓީން މޮޅުވުމުގެ ސިލްސިލާ ދަމަހައްޓައިފިއެވެ.

އިނގިރޭސި ޕްރިމިއަރ ލީގު ތާވަލްގެ އެއްވަނަ ޗެމްޕިއަން މެންޗެސްޓަރ ސިޓީން ދެމެހެއްޓީ ނޮޓިންގހަމް ފޮރެސްޓާ ދެކޮޅަށް ކުޅުނު މެޗުގެ ދެވަނަ ހާފްގެ ފުރަތަމަ މިނެޓުގައި ރޮޑްރީއަށް ރަތްކާޑް ދެއްކުމުން ބާކީ ބައި ދިހަ ކުޅުންތެރިންނާއެކު ކުޅެއެވެ. ރޮޑްރީއަށް ރަތްކަޑް ދެއްކިއިރު ސިޓީން ވަނީ 2 ލަނޑުގެ ލީޑެއް ނަގާފައެވެ. މެޗު ފަށައިގެން ހަތްވަނަ މިނެޓުގައި ލީޑް ނަގައިދިނީ ފޮޑެންއެވެ. އޭގެ ހަތް މިނެޓުފަހުން ދެވަނަ ލަނޑު ޖެހީ ހާލަންޑެވެ.

މެޗުގައި ރޮޑްރީއަށް ސީދާ ރަތްކާޑެއް ދެއްކީ ނޮޓިންގހަމް ފޮރެސްޓްގެ މޯގަން ގިބްސްއަށް ކުރި ފައުލަކަށެވެ. ރަތްކާޑް ދެއްކީ ވީއޭއާރުން ބެލުމަށްފަހުއެވެ. ސީޒަންގެ ކުރީކޮޅު ސިޓީން މޮޅުވުމުގެ ސިލްސިލާ ދަމަހައްޓަމުން ދަނީ އަނިޔާގެ މައްސަލަތަކާއެކުއެވެ. މިމޮޅާއެކު ސިޓީ އެއްވަނާގައި އޮތީ ހަ މެޗުންވެސް މޮޅުވެ 18 ޕޮއިންޓާއެކުއެވެ.