ރާއްޖެ
އީ-ސްކޫޓާ
އާބަންކޯއިން ތައާރަފުކުރި އީ-ސްކޫޓާ މާދަމާއިން ފެށިގެން ދުއްވޭނެ
ސްކޫޓާތައް ދުއްވަން ބޭނުންނަމަ އެންމެ ފުރަތަމަ ޖެހޭނީ "އާބަން ގްލައިޑް" އެޕްލިކޭޝަން
ސިމާހާ ނަސީމް, ރާއްޖެ އެމްވީ | 23 ސެޕްޓެމްބަރު 2023 | ހޮނިހިރު 07:54
އީ-ސްކޫޓާ
ހުޅުމާލޭގައި "އާބަން ގްލައިޑް"ގެ ނަމުގައި އީ-ސްކޫޓާ ސެންޓަރެއް އާބަންކޯއިން ތައާރަފްކޮށްފައިވާއިރު އެ ސެންޓަރު އާދިއްތަ ދުވަހު އާންމުންނަށް ހުޅުވާލާނެ ކަމަށް އާބަންކޯ އިން ބުނެފިއެވެ.
ހުޅުމާލެ ސެންޓްރަލް ޕާކުގައި ހަދާފައިވާ އާބަން ގްލައިޑް ސެންޓަރަކީ، އީ-ސްކޫޓާ ނުވަތަ ކޮޅަށް ހުރެ ދުއްވާ ބެޓެރި ސައިކަލު ދުއްވޭ ގޮތަށް ތިމާވެއްޓާ ރައްޓެހި ގޮތަކަށް ހަދާފައިވާ ތަނެކެވެ.
ސެންޓަރުގައި، އީ-ސްކޫޓަރ ލިބޭނެ އިންތިޒާމު ހަމަޖައްސައި އެ ތަނުގައި ވަނީ ހަތަރު އީ-ސްކޫޓާ ބަހައްޓާފައެވެ. މި ސްކޫޓާތައް ދުއްވަން ބޭނުންވާ ކޮންމެ މީހަކަށް ދުއްވޭނެއެވެ.
މި ސްކޫޓާތައް ދުއްވަން ބޭނުންނަމަ އެންމެ ފުރަތަމަ ޖެހޭނީ "އާބަން ގްލައިޑް" އެޕްލިކޭޝަން އަޅައި ރަޖިސްޓްރީވާން ޖެހެއެވެ.
