ދެވަނަ ބުރެއް އަތުވެދާނެކަމަށް ބަލާ ތިބީ އެކަމަށް ތައްޔާރުވެގެން: ރައީސް
20 ސެޕްޓެމްބަރު 2023 | ބުދަ 01:2930،000ށް ވުރެގިނަ ވޯޓު އެހެން ކެންޑިޑޭޓުން ނަގާފައި އެބައޮތް ކަމަށާއި ދެވަނަ ބުރަކަށް ދާންޖެހުނީ އެހެންވެގެންކަމަށް ރައީސް ވިދާޅުވި
ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު
ރިޔާސީ އިންތިޚާބަށް އެމްޑީޕީން ނިކުތީ އެއްބުރުން މިކަން ކާމިޔާބުކުރަން ކަމަށާއި ނަމަވެސް އެދުވަހުވެސް އިންތިޚާބު ދެވަނަ ބުރަކަށް ގެންދިޔުމަށް ބަޔަކު މަސައްކަތްކުރާކަމަށް ވިދާޅުވިކަމަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު ވިދާޅުވެއްޖެއެވެ.
ދެވަނަ ބުރަށް ކެމްޕެއިން ކުރެއްވުމުގެ ގޮތުން މާލޭގެ އެކި ޖަގަހަތަކުގައި އެމްޑީޕީން މިހާރު ކުރިޔަށްގެންދާ ސިލްސިލާ ޖަލްސާތަކުގެ ތެރެއިން އަންގާރަ ދުވަހުގެ ރޭ ގަލޮޅު ޖަގަހައިގައި ކުރިޔަށްދިޔަ ޖަލްސާގައި ވާހަކަދައްކަވަމުން ރައީސް ވިދާޅުވީ އެކަން ފުރަތަމަ ބުރުގެ ނަތީޖާއަށް ބަލާލުމުންވެސް އެނގޭކަމަށެވެ.
މީގެކުރިން ރައީސް ވިދާޅުވި ވާހަކަ ތަކުރާރުކުރައްވާ ވިދާޅުވީ ނިކުމެ މިތިބީ މެޗަކަށް ކަމަށާއި އަދި ކުޅެވުނީ އެއް ހާފުކަމަށެވެ. ހާފް ޓައިމުގައި ޗޭންޖުރޫމަށް ވަދެ ކަންކަން ރާވާލާފައިވާކަމަށް ރައީސް ވިދާޅުވިއެވެ.
ރައީސް ވިދާޅުވީ ރައްޔިތުންނަށް އުފާވެރި އަމާން ރާއްޖެއެއް ހޯދައިދެވޭނެ ކަމަށެވެ.
