ފައިސާ ނެތިގެން އޭއެފްސީ ކޮލިފައިން އިން ރާއްޖެ ވަކިވެއްޖެ
ކޮލިފައިންގައި އިންޑިއާއާ ދެކޮޅަށް ކުޅެން އޮތް މެޗު ފަސް ކުރަން އެދުނު
ބަހްރޭނަށް ފުރި 23 އަހަރުން ދަށުގެ ގައުމީ ޓީމު
އޭއެފްސީ 23 އަހަރުން ދަށުގެ ކޮލިފައިން އިން ރާއްޖޭގެ 23 އަހަރުން ދަށުގެ ޤައުމީ ޓީމު ވަކިވެއްޖެ އެވެ.
ކޮލިފައިން އިން ރާއްޖެ ވަކިވާން ޖެހުނީ، މުބާރާތުގައި ކުޅެން ޗައިނާ އަށް ދަތުރު ކުރާނެ ފައިސާ ނެތިގެންނެވެ. ކޮލިފައިންގައި ރާއްޖެ ހިމެނިފައި އޮތީ ގްރޫޕް ޖީގަ އެވެ. ރާއްޖެ އާއެކު މި ގްރޫޕްގައި ދެން އޮތީ ޗައިނާ، ޔޫއޭއީ އަދި އިންޑިއާ އެވެ. ރާއްޖެ ކުޅެން ޖެހޭ ފުރަތަމަ މެޗު އޮތީ ބުދަ ދުވަހު އިންޑިއާއާ ދެކޮޅަށެވެ.
އެކަމާ ގުޅިގެން ފުޓުބޯޅަ އެސޯސިއޭޝަން އޮފް މޯލްޑިވްސް (އެފްއޭއެމް) އިން ބުނީ، މިދިޔަ އޯގަސްޓު މަހުގެ ހަތް ވަނަ ދުވަހު ކޮލިފައިންގެ މެޗުތަކާ ގުޅޭ މައުލޫމާތު ކުޅިވަރު ވުޒާރާއާ ހިއްސާކޮށްފައިވާނެ ކަމަށެވެ. އޭގެ ތެރޭގައި ޗައިނާ އަށް ދަތުރު ކުރުމަށް ޓިކެޓުގެ އަގަށްދާ ފައިސާ އާއި އެހެނިހެން މައުލޫމާތު ހިމަނާފައިވާނެ ކަމަށް ވެސް ވަނީ ބުނެފަ އެވެ. އެފްއޭއެމް އިން ހާމަކޮށްފައިވާ ގޮތުގައި، ޓިކެޓުގެ އަގަށް މިލިއަނެއްހާ ރުފިޔާ ޚަރަދުވާނެ އެވެ. އަދި އެ އަދަދަކީ ކުޅިވަރު ވުޒާރާގެ އެހީއާ ނުލައި، އެފްއޭއެމަށް ހަމަޖެއްސޭނެ އަދަދެއް ނޫން ކަމަށް ވެސް ބުނެފައިވެ އެވެ.
އެފްއޭއެމުން ވަނީ ފަހުން ފައިސާ ހަމަޖެހުމުން ކޮލިފައިންގައި އިންޑިއާއާ ދެކޮޅަށް ކުޅެން އޮތް މެޗު ފަސް ކުރަން އެދުނު ކަމަށެވެ. އެހެން ނަމަވެސް އެގޮތަށް ފަސް ކުރެވޭނެ އެއްވެސް ގޮތެއް ނުވި އެވެ. އެހެންވެ، ރާއްޖެ އިން ވަނީ ކޮލިފައިން އިން ވަކިވެފަ އެވެ.
