ގއ. ގެމަނަފުއްޓާއި ނ. ފޮއްދޫގެ ބަނދަރު ހެނދުމުގެ މަސައްކަތް އެމްޓީސީސީއަށް
3 ސެޕްޓެމްބަރު 2023 | އާދީއްތަ 12:44ގއ. ގެމަނަފުށީ ބަނދަރުގެ މަޝްރޫއަކީ 70،168،186.44 ރުފިޔާގެ މަޝްރޫއެއް
ގއ. ގެމަނަފުއްޓާއި ނ. ފޮއްދޫ ބަނދަރު ހެނދުމުގެ މަސައްކަތް އެމްޓީސީސީއާ ހަވާލުކުރުން
ގއ. ގެމަނަފުއްޓާއި ނ. ފޮއްދޫ ބަނދަރު ހެނދުމުގެ މަސައްކަތް ކުރިއަށްގެންދިއުމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ ޕަބްލިކް ލިމިޓެޑް (އެމްޓީސީސީ)އާ ހަވާލުކޮށްފިއެވެ.
އާދިއްތަ ދުވަހު ނ. ފޮއްދޫ ބަނދަރު ހެދުމުގެ މަޝްރޫއުގެ އެއްބަސްވުމުގައި ޕްލޭނިންގ މިނިސްޓްރީން ވަނީ އެމްޓީސީސީއާއެކު ސޮއިކޮށްފައެވެ.
މި މަޝްރޫއުގެ ދަށުން ރަށުގެ ބަނދަރު 3.5 މީޓަރު ފުންކޮށް ކޮނުމާއި، ނެރު 4 މީޓަރު ފުންކޮށް ކޮނުމާއި، 20 މީޓަރުގެ ބޮޑުހިލަ ބްރޭކްވޯޓަރ ޖެހުމާއި، 65 މީޓަރުގެ ނެރުފައިކަށި ޖެހުމާއި، 165 މީޓަރުގެ ސޭންޑްފިލްޑް ބްރޭކްވޯޓަރ ޖެހުމާއި، 60 މީޓަރުގެ ލޯކްރެސްޓެޑް ބޮޑުހިލަ ބްރޭކްވޯޓަރ ޖެހުމާއި، 130 މީޓަރުގެ އެލްބްލޮކް ވާޓަރު ހެދުމާއި، 7 ބަނދަރު ބައްތި ޖެހުމާއި، 2 ނެރު ބައްތި ޖެހުމާއި، 120 މީޓަރުގެ ކޮން ކްރީޓް ޕޭވްމަންޓް ހެދުމާއި، 750 މީޓަރުގެ ޖެޓީއެއް ހެދުމަށް ވަނީ ހަމަޖެހިފައެވެ.
މި މަޝްރޫއަކީ 53،754،575.40 (ފަންސާސް ތިން މިލިއަން ހަތް ލައްކަ ފަންސާސް ހަތަރު ހާސް ފަސްސަތޭކަ ހަތްދިހަ ފަސް ރުފިޔާ، ސާޅީސް ލާރީގެ) އަގުހުރި މަޝްރޫއެކެވެ.
މި މަސައްކަތް އެމްޓީސީސީއާ ހަވާލުކޮށްފައިވަނީ 390 ދުވަހުގެ ތެރޭގައި ނިންމުމަށެވެ.
އާދިއްތަ ދުވަހު ގެމަނަފުށީ ބަނދަރު ހެދުމަށްވެސް ވަނީ ހަވާލުކޮށްފައެވެ.
ގއ. ގެމަނަފުށީ ބަނދަރުގެ މަޝްރޫއަކީ 70،168،186.44 (ހަތްދިހަ މިލިއަން އެއްލައްކަ ފަސްދޮޅަސް އަށް ހާސް ސަތޭކަ އަށްޑިހަ ހަ ރުފިޔާ، ސާޅީސް ހަތަރު ލާރީގެ) އަގުހުރި މަޝްރޫއެކެވެ.
މި މަޝްރޫއުގެ ދަށުން، ރަށުގެ ބަނދަރުތެރެ އަދި އައު ބަނދަރު 3.5 މީޓަރު ފުން މިނަށް ފުންކުރުން, 201 މީޓަރުގެ ޖިއޯބޭގް ރިވެޓްމަންޓް، 221 މީޓަރުގެ ސޭންޑްފިލްޑް ބްރޭކްވޯޓަރ، 11 މީޓަރުގެ ސަބްމާޖްޑް ބޮޑުހިލަ ބްރޭކްވޯޓަރ، 405 މީޓަރުގެ އެލްބްލޮކް ވާޓަރު، 39 ބަނދަރު ބައްތި އަދި 2 ނެރު ބައްތި 36 މީޓަރުގެ ކޮންކްރީޓް ޖެޓީ ގާއިމްކުރުމަށް ވަނީ ހަމަޖެހިފައެވެ.
މި ދެ ކޮންޓްރެކްޓުގައި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން ސޮއިކުރެއްވީ ޑިރެކްޓަރ ޖެނެރަލް ފާތިމަތު ޝާނާ ފާރޫގެވެ. އަދ،ި މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮންޕެނީ ޕަބްލިކް ލިމިޓެޑްގެ ފަރާތުން ސޮއިކުރެއްވީ އެ ކުންފުނީގެ ޗީފް އެގްޒެކެޓިވް އޮފިސަރ އާދަމް އާޒިމެވެ.
