އިންޑިއާގެ އެޗްއައިސީޑީޕީގެ ދަށުން އިތުރު ތިން މަޝްރޫއެއް ރާއްޖޭގައި ހިންގަނީ

އިންޑިއާގެ ހިލޭ އެހީގެ ދަށުން ކުރިއަށްގެންދާ، އިންޑިއާގެ ހައި އިމްޕެކްޓް ކޮމިއުނިޓީ ޑިވެލޮޕްމެންޓް ޕްރޮޖެކްޓު (އެޗްއައިސީޑީޕީ)ގެ އިތުރު 3 މަޝްރޫއެއް ރާއްޖޭގައި ހިންގަން ނިންމައިފިއެވެ.

އެކަން ހާމަކުރެއްވީ ފޮރިން މިނިސްޓަރު އަބްދުﷲ ޝާހިދު ކުރެއްވި ޓްވީޓެއްގައެވެ.

އެމަނިކުފާނު ވިދާޅުވީ އިންޑިއާ ސަރުކާރުން، އިންޑިއާގެ ހައި އިމްޕެކްޓް ކޮމިއުނިޓީ ޑިވެލޮޕްމެންޓް ޕްރޮޖެކްޓު (އެޗްއައިސީޑީޕީ)ގެ އިތުރު 3 މަޝްރޫޢުއެއް ރާއްޖޭގައި ހިންގަން ނިންމާފައިވުމަކީ އުފާކުރައްވާ ކަމެއް ކަމަށެވެ. މިއީ އެޗްއައިސީޑީޕީގެ ގްރާންޓް ސްކީމްގެ ދަށުން ހިންގާ މަޝްރޫޢުތަކެވެ.

އެ ތިން މަޝްރޫޢު އަކީ

1. ފ.ދަރަނބޫދޫގައި ވޮލީކޯޓު ތަރައްޤީކުރުން

2. ފ. ނިލަންދޫގައި ކުޑަކުދިންގެ ޕާކާއި އައުޓްޑޯ ޖިމް ތަރައްޤީކުރުން

3. ހއ. ތުރާކުނުގައި ޔޫތު އެންޑް ކޮމިއުނިޓީ ސެންޓަރު ތަރައްޤީކުރުން

މި މަޝްރޫޢުތަކުގެ ސަބަބުން މި ރަށްރަށުގެ އިޖްތިމާޢީ އިޤްތިޞާދީ ތަރައްޤީއަށް ވަރަށް ބޮޑު ކުރިއެރުމެއް ލިބިގެންދާނެ ކަމަށް މިނިސްޓަރު ޝާހިދު ވިދާޅުވިއެވެ.