ދެ އަތުން މަސައްކަތް ކުރުމުގެ އުފާ ލިބުނީ އުމުރުން 25 އަހަރުގައި

ޑޮމިނިކާ ފްރައިޒް މި ދުވަހަށް އިންތިޒާރު ކުރާތާ އެތައް ދުވަހެއް ވަނީ ވެފައެވެ. އަމިއްލައަށް ކުކުޅުކޮޅު ކޮށާލުމާއި، ގޭގައި އޮޅުކޮށްގެން ގެންގުޅޭ ކުއްތާ ގޮވައިގެން ބޭރަށް ހިނގާލަން ދިއުމާއި، ފޯނުން ޗެޓްކޮށްލުމަކީ އޭނާ އެތަކެއް ދުވަހެއް ވަންދެން ދުށް ހުވަފެނެކެވެ.

އުމުރުން 25 އަހަރުގެ ޑޮމިނިކާ އުފަންވިއިރު އޭނާގެ އަތުގެ އުޅަނބޮށިން ތިރިއެއް ނެތެވެ. ނަމަވެސް އޭނާ މިވަނީ ޖަރުމަނުގައި ފުރަތަމަ ފަހަރަށް ތްރީޑީ ޕްރިންޓެޑް ބައޮނިކް އަތްތިލައެއް ޖެހުމުގެ ހުއްދަ އެ ގައުމުގެ ސިއްހަތާބެހޭ އިދާރާތަކުން ދިން ފަރާތުގެ ލަގަބު ހޯދާފައެވެ.

ޑޮމިނިކާ ބުނާ ގޮތުގައި މިހާރު އޭނާއަށް ލިބެމުންދާ ފަސޭހަތައް ގަބޫލުކުރަންވެސް ދައްޗެވެ.

ޑޮމިނިކާ މީގެ ކުރިން މަސައްކަތްކުރީ އާންމުންގެ ތެރޭގައި އުޅޭއިރު އޭނާގެ މި އުނިކަން ފޮރުވޭތޯއެވެ. ނަމަވެސް މިހާރު އޭނާ ފަރުވާލެއް ނުބަހައްޓައެވެ.

ބައޮނިކް އަތް ހޯދުމަށް އޭނާ ފައިސާ ހޯދީ ޖަރުމަނުގެ ނޭޝަނަލް ހެލްތު އިންޝުއަރެންސް މެދުވެރިކޮށެވެ.