މިނިސްޓަރު ޔުމްނާގެ ތާއީދު ރައީސް ޞާލިހަށް
ޔުމްނާ އަކީ 2018 ވަނަ އަހަރުން ފެށިގެން މި ސަރުކާރުގެ ވަޒީރެއް
މިނިސްޓަރު ޔުމްނާ މައުމޫން
ސެޕްޓެމްބަރު މަހުގެ 9 ވަނަ ދުވަހު ބޭއްވުމަށް ހަމަޖެހިފައިވާ ރިޔާސީ އިންތިޚާބުގައި ރައީސް އިބްރާހީމް މުހައްމަދު ސާލިޙަށް ތާއީދުކުރައްވާކަން ހެރިޓޭޖް މިނިސްޓަރު ޔުުމްނާ މަޢުމޫން އިޢުލާންކުރައްވައިފިއެވެ.
ޔުމްނާ ރައީސް ސާލިޙަށް ތާއީދު ކުރެއްވީ ކޮއްކޯފުޅު ފާރިސް މަޢުމޫން މި އިންތިޚާބަށް ކުރިމަތިލައްވާފައިވަނިކޮށެވެ. ރައީސް ސާލިޙަށް ތާއީދުކުރައްވާކަން ހާމަކުރައްވާ ޔުމްނާ ކުރެއްވި ޓްވީޓެއްގައި ވިދާޅުވީ ރައީސް ސާލިޙު ދެވަނަ ދައުރަކަށް އިންތިޚާބުކުރުމަކީ ޤައުމުގެ ހަމަޖެހުމާއި ތަރައްޤީއަށްޓަކައި މުހިންމު ކަމެއް ކަމަށެވެ. މީގެ އިތުރުން ރައްޔިތުންނަށް ލުއިފަސޭހަ ކޮށްދޭން މި ސަރުކާރުން ފަށާފައިވާ މުހިންމު މަސައްކަތްތަކާއި މަޝްރޫޢުތައް ކުރިޔަށް ގެންދިޔުން މުހިންމުކަމަށް ވެސް ޔުމްނާ ވިދާޅުވިއެވެ.
ޔުމްނާ އަކީ 2018 ވަނަ އަހަރުން ފެށިގެން މި ސަރުކާރުގެ ވަޒީރެކެވެ.
