ގާޑިއޯލާ އޮޕްރޭޝަންކޮށް، ޓީމާ ދުރަށް
22 އޯގަސްޓު 2023 | އަންގާރަ 13:08ގާޑިއޯލާގެ މައިބަދައިގެ އޮޕަރޭޝަން ކާމިޔާބު ކަމަށް ސިޓީން ބުނޭ
މެންޗެސްޓަރ ސިޓީގެ ކޯޗު ޕެޕް ގާޑިއޯލާ
މެންޗެސްޓަރ ސިޓީގެ ކޯޗު ޕެޕް ގާޑިއޯލާ މައިބަދައިގެ އޮޕަރޭޝަނެއް ކުރަންޖެހި ކުޑަ ދުވަސްކޮޅަކަށް ޓީމާ ދުރުގައި ހުންނަން ޖެހިއްޖެ އެވެ.
މިދިޔަ ސީޒަނުގައި ސިޓީ އަށް ތިން ތަށި ހޯދައިދިން ކޯޗު ބަލިވެ އުޅޭކަން އިއުލާނުކުރީ އޭނާގެ ކުލަބު ސިޓީއިންނެވެ. އެކުލަބުން ބުނީ މާބޮޑަށް ތަދު އިހުސާސްކުރަންޖެހުމުން ކުއްލި ގޮތަކަށް އޮޕަރޭޝަން ކުރަންޖެހުމުން ގާޑިއޯލާ ފަރުވާ ހޯދީ އޭނާގެ އުފަން ގައުމު ކަމަށްވާ ސްޕޭނުގެ ބާސެލޯނާގައި ކަމަށެވެ. އަދި ގާޑިއޯލާގެ އޮޕަރޭޝަން ވެސް ކާމިޔާބު ކަމަށްވެ.
މީގެ ސަބަބުން އަންނަ އާދީއްތަ ދުވަހު ޝެފީލްޑް ޔުނައިޓެޑާ ދެކޮޅަށް ކުޅެން ޖެހޭ މެޗާއި ސެޕްޓެމްބަރު 2 ވަނަ ދުވަހު އެވަޓަންއާ ދެކޮޅަށް ކުޅޭ މެޗު ގާޑިއޯލާ އަށް ގެއްލޭނެ އެވެ.
ސިޓީން ބުނީ ގާޑިއޯލާ ނެތުމުން އޭނާ އެނބުރި އަންނަންދެން ޓީމުގެ ޓްރޭނިންތަކާއި މެޗުތަކުގައި ވެސް އިރުޝާދުދޭނީ އެސިސްޓެންޓް ކޯޗު ޖުންމާ ލިޔޯ ކަމަށެވެ.
