ރަޝިއާއާއި ޔޫކްރޭނާ ދެމެދު ހިނގަމުންދާ ހަނގުރާމައިގައި ރަޝިއާ ސިފައިންގެ ތެރެއިން އިސްކޮށް އުޅުއްވާ ފަރާތްތަކާ އެ ޤައުމުގެ ރައީސް ވްލަޑިމިއަރ ޕޫޓިން ބައްދަލު ކުރައްވައިފިއެވެ.
ކްރެމްލިންއާ ޙަވާލާދީ ރޮއިޓަރސްގައި ރިޕޯޓުކޮށްފައިވާ ގޮތުން މި ބައްދަލުވުން ކުރިއަށް ގެންގޮސްފައިވަނީ އަސްކަރީ ޚާއްސަ އޮޕަރޭޝަން ކުރިއަށް ގެންދާ ސަރަޙައްދެއްގެ ހެޑްކުއާޓަރސްގައި ހުންނަވައިގެންނެވެ.
ރޮއިޓަރސްގައި ރިޕޯޓުކޮށްފައިވާ ގޮތުގައި ޕުޓިން ވަނީ މޮސްކޯގެ އަސްކަރީ އޮޕަރޭޝަންތަކުގެ ޗީފް އޮފް ޖެނެރަލް ސްޓާފުގެ އިތުރުންވެސް އިތުރު އިސް ޖެނެރަލުންނާ ބައްދަލު ކުރައްވާފައެވެ.
މޮސްކޯގެ އަސްކަރީ އޮޕަރޭޝަންތަކުގެ ޗީފް އޮފް ޖެނެރަލްއަށް ވެގްނަރގެ އިތުރުންވެސް އިތުރު ފަރާތްތަކުގެ ފާޑުކިޔުން މިފަހުން އަމާޒުވެފައިވެއެވެ. އެގޮތުން އެންމެ ރަނގަޅަށް ރަޝިއާ ދިފާއު ނުކުރެވޭކަމަށް ވެގްނަރއިންވެސް ވަނީ ބުނެފައެވެ.
އެހެންނަމަވެސް މި ބައްދަލުވުންތަކާ ގުޅޭ މާ ގިނަ ތަފްސީލުތަކެއް ކްރެމްލިންއިން ހާމަކޮށްފައެއް ނުވެއެވެ.
