ރިޔާސީ އިންތިޚާބު 2023: ޖުމްލަ 574 ވޯޓު ފޮށި ބަހައްޓާނެ

ސެޕްޓެމްބަރ މަހުގެ 9 ވަނަ ދުވަހު އޮންނަ ރިޔާސީ އިންތިޚާބުގައި 574 ވޯޓު ފޮށި ބަހައްޓާނެކަމަށް އިލެކްޝަންސް ކޮމިޝަން (އީސީ)ން ބުނެފިއެވެ.

އީސީން އެންމެ ފުރަތަމަ ހާމަކުރީ 609 ފޮށި ބަހައްޓާނެކަމަށެވެ. ނަމަވެސް ރީރެޖިސްޓްރީވި ގޮތަށް އައި ބަދަލުތަކާއެކު އެންމެ ފަހުން އާންމުކޮށްފައިވާ ވޯޓު ފޮށިތަކުގެ އަދަދު މިވަނީ 574 ފޮއްޓަށް މަދުވެފައެވެ.

ރީރެޖިސްޓްރޭޝަނަށްފަހު ވޯޓު ފޮށިތަކަށް ގެނެސްފައިވާ ބަދަލުތައް އީސީން ހާމަކޮށްފައިވާއިރު، މާލެ ސަރަހައްދުގައި 176 ފޮށި ބަހައްޓާނެއެވެ. އެއީ މާލޭގައި 142 ފޮށި، ހުޅުމާލޭގައި 27 އަދި ވިލިމާލޭގައި 7 ވޯޓު ފޮއްޓެވެ. އަތޮޅުތަކާއި ސިޓީތަކުގައި 319 ވޯޓު ފޮށި ބަހައްޓާއިރު, ޖަލުތަކުގައި 5 ވޯޓު ފޮށި ބަހައްޓައެވެ. ސިނާއީ ސަރަހައްދުތަކުގައި 1 ވޯޓު ފޮށި ބަހައްޓާއިރު ރިސޯޓްތަކުގައި 65 ވޯޓު ފޮށި ބަހައްޓާނެއެވެ. އަދި ރާއްޖެއިން ބޭރުގައި 8 ވޯޓު ފޮށި ބަހައްޓާނެއެވެ.

- މާލޭގައި 142 ފޮށި

- ހުޅުމާލެ ފޭސް 1ގައި 21 ފޮށި

- ހުޅުމާލެ ފޭސް 2ގައި 6 ފޮށި

- ވިލިމާލޭގައި 7 ފޮށި

- ސްރީލަންކާގެ ކޮލަމްބޯގައި 2 ފޮށި

- އިންޑިއާގެ ޓްރިވެންޑްރަމްގައި 1 ފޮށި

- އިނގިރޭސިވިލާތުގެ ލަންޑަންގައި 1 ފޮށި

- މެލޭޝިޔާގެ ކުއަލަލަމްޕޫރްގައި 3 ފޮށި

- އެކުވެރި އަރަބި އިމާރާތުގެ އަބޫދާބީގައި 1 ފޮށި

- މާފުށީ ޖަލުގައި 2 ފޮށި

- ހުޅުމާލޭ ޖަލުގައި 1 ފޮށި

- އައްސޭރި ޖަލުގައި 1 ފޮށި

- ދޫނިދޫ ޖަލުގައި 1 ފޮށި

މިއަހަރު ބާއްވާ ރިޔާސީ އިންތިޚާބުގައި 282،755 މީހުންނަށް ވޯޓުލުމުގެ ހައްގު ލިބިފައިވާކަމަށް އީސީން ބުނެއެވެ.